29 Màa gbɛ̃e a e lí ĩ́anadã Lua aɛo.
Má vĩakɛ yãpãsĩgↄↄo, baa tó ma wɛ̀lɛↄ liaamazi.
Tó wa mↄo kũao, a zĩkɛe? Tó wi sii sɛo, a zĩkɛa? Lípana a liaa ń a kũnaoe? Go a fɛlɛ ń gbɛ̃́ pↄ́ lɛ́ pↄgbɛ̃òoe?
Tó gbɛ̃́ ye ĩ́anadã, aà dã kɛ́ a wɛ́ kɛ̃̀ a ma dↄ̃ yã́i. A dↄ̃ kɛ́ má gbɛ̃kɛ vĩ, mi yãmaakɛ dṹniau a zɛ́waɛ, asa yã́ beeↄ mɛ́ ì kamagu. Ma Dii mamɛ má ò.
Ma naa Kilisi Yesuwa guu má fↄ̃ ĩ́anadã zĩ pↄ́ málɛ kɛ Luaɛ yã́ musu.
Wá dↄ̃ kɛ́ Lua ikoyã píi dɛ gbɛ̃́ pↄ́ kú a ↄzĩↄ yã́ ũɛ, kɛ́ gbɛ̃́pii lɛ́ gↄ̃ kpaaũa, dṹnia gbɛ̃́pii i gↄ̃ tàaede ũ Luaɛ.
Lá màaɛ, gbɛ̃nazĩna a fↄ̃ ĩ́anadã lↄe? Bee kuo. Bↄ́yãi ni? Kɛ́ a dɛ yãkɛa yã́ ũo, Yesu náaikɛa yã́ɛ yã́i.
Tó Lua tò yã́ bↄ̀aànↄ na yã́ pↄ́ a kɛ̀ yã́iɛ, dↄ̃ à fↄ̃̀ ĩ́anadã̀. Ãma a fↄ̃ dã Luaɛo.
A yã́ mɛ́ tò lá a kɛ̃a láuwa, tó gbɛ̃́ ye ĩ́anadã, aà dã Dii yã́ musu.
Bↄ́ ń dɛońlai? Ń pↄe vĩ nzĩaɛ kɛ́ wi n gbaoa? Wà n gba, ↄ̃ ńlɛ ĩ́anadã lá wi n gbaowaa?
Á ĩ́andãa maao. Kɛ́ pɛ̃ɛsɛ'ɛsɛ yↄↄna ì pɛ̃ɛti zↄ̃ↄ sɛ́, á dↄ̃o lé?
I bↄ á yãkɛa kĩ́i no, kɛ́ gbɛ̃e su ĩ́anadãòo yã́i.
