Ŋwàʼlə̀ Mak 9:25 - The New Testament in the Babanki language

²⁵ Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”

Ŋwàʼlə̀ Mak 9:25 Iomraidhean Croise

Matìyò 12:22

Viʼi vətsenvə mù vì nə̀ wìʼ à Yesò mu kəzhwì kə byɨkə ne li kò ghə̀ lù ə nyenə shi kènla ghə̀ gàʼà. Yesò chʉʼ wìʼ ayì ghə̀ sə̀ bwènsə̀ yenə shi be gàʼà.

Matìyò 17:18

Ghə̀ vì nə̀ wen, Yesò kàyntə̀ nyʉ̀ à kəzhwì kə byɨkə akì kə fʉ̀ fa wèn wàyn ayì ghə̀ to tò a zhʉ ayì.

Ŋwàʼlə̀ Mak 9:15

Nòyn viʼi ayi nè yèn Yesò no a zhʉ kò, sə diʼ nə̀ kanə mù nyɨŋ dyʉ̀ tòŋtə wen.

Ŋwàʼlə̀ Mak 9:24

Ando ghə̀ ngàʼ mwètə̀, tìʼ wàyn ayì zɨmə ə̀ gàʼ la, “Mà kìʼ byɨmə alì kò ghə̀ lù kwʉ̀ʼ. Gyàmtə̀ mo ə kwʉ̀ʼsə̀.”

Ŋwàʼlə̀ Mak 9:26

Kəzhwì kə byɨkə akì ku nkəʼ ə̀ nə̀ʼ wàyn ayì no nànto mù fʉ̀, wàyn ayì mù sə kə̀ʼə̀ to nə̀ kəmpfʉ kə wìʼ. Nghoʼo viʼi mù sə gàʼà la, “Ghə̀ pfʉ li.”

Ŋwàʼlə̀ Luk 11:14

A sə ndiʼ kətsi kətsenkə Yesò sə dzɨ̀mə̀ kəzhwì kə byɨkə fà wìʼ a wèn a kə nè ghə̀ sə diʼ jɨ. Ando ghə̀ dzɨ̀mə̀, kəzhwì kə byɨ kə a kyì kə fʉ̀ no zhʉ kò wìʼ ayi zìtə̀ sə gàʼà. Nòyn viʼi a və ndiʼì tsu sə diʼ nə̀ kàynə.

Ŋwàʼlə̀ Luk 4:35

Yesò kayntə nyʉ̀ a kəzhwì kə byɨ a kyikə gàʼà la “Chɨmə toʼli ə chò fʉ̀ fa wenə wìʼ ghèn!” kəzhwì kə byɨ a kyi kə tem wìʼ ayi a nsè tò ashɨ viʼi ə fʉ̀ fa wen a wèn kenla kə lyomsəli wen.

Ŋwàʼlə̀ Luk 4:41

Zhwì byɨvə bè fʉ̀ fa wèn nghoʼo viʼi zɨmə gàʼà la “Wu diʼ wàyn Nyìngòŋ.” Alì Yesò kəŋkə̀ vəwenə kènla ghə̀ ghʉsəli la vəwenə bè gàʼ kənyʉ̀ byìʼàndo vəwenə nkɨ la ghə̀ ndiʼ wìʼ yi a Nyìngòŋ tsuʼli ə ghʉ.

Ŋwàʼlə̀ Luk 8:29

Ghə̀ ngàʼa alì byìʼàndo Yesò sə nkəŋkə kəzhwì kəbyɨkə kyì la kə fʉ̀ fa wenə a wèn. Kəzhwì akyì nku ngəʼ a wen tò mənzhʉ̀ a mənzhʉ̀. No a zhʉ̀ kò a kə nku ngəʼ à wen, və ghaʼ kwìʼ akwoŋ wen bènə̀ afwen wen nə̀ mpfɨŋsə ə ghʉ wen a kəshi. Və nè ghʉ alì, ghə̀ tyintə mpfɨŋsə ashì tò tyintə, kəzhwì kə byɨkə akyì lyɨ̀ wen ə dyʉ̀ nə̀ wen a nse zɨm.

Ŋwàʼlə̀ Luk 9:42

Ghə̀ sə fʉ̀ dyʉ̀ nə̀ wen, kəzhwì kə byɨkə kyì moʼò wàyn ayì a nse, alì Yesò kàyntə̀ nyʉ̀ a kəzhwì kə byɨkə a kyì, kə fʉ̀, wàyn ayì to. Ghə̀ mù bwènsə̀ ku wen à tìʼ wen.

Shwèʼ 16:18

Ghə̀ faŋ sə gàʼà tò alə̀ no mətsi nshə̀ʼ alə̀ tin Bol zìtə̀ əfwi. Bol gàʼ à kəzhwì kə byɨkə akì la, “Ma kàynə à wù a kədyòʼ Yesò Klistò la wù cho fʉ̀ fà wen a wèn.” Kəzhwì kə byɨkə akì fʉ̀ fà wen wèn tò a zhʉ ayì.

Ŋwàʼlə̀ Jud 1:9

Nò tèbe Mayikel a ghə̀ diʼi kətʉ kə ətsɨŋsə Nyìngòŋ ə ko ə mwomsə ə telə Deblə̀ ando wenə wen ə kiʼi kəngùmə̀ kumə kəmpfʉ kə Mosìs. Ghə̀ bòŋsə̀ gaʼa a wen la, “Bobo ə kəŋkə̀ wù.”