Ŋwàʼlə̀ Mak 9:2 - The New Testament in the Babanki language

² A sə ndiʼ a bàmə mətsi ntʉfə, Yesò lyɨ̀ Bità, Jems bènə̀ Joyn wenə̀ vəwenə kuʼ a kwi pfen dyə̀fə tsen, kò wìʼ ndiʼ tsu. Ne kuʼ zaʼa tsu, kə̀ʼə̀ wen bvʉ̀tə̀ kwitə tò a vəwenə a shɨ.

Ŋwàʼlə̀ Mak 9:2 Iomraidhean Croise

Matìyò 14:13

Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀.

Ŋwàʼlə̀ Mak 14:33

Ghə̀ gàʼ a lì ə̀ lyɨ̀ Bità, Jems nə̀ Joyn wenə̀ vəwenə mù sə dyʉ̀ a muʼu. Nyʉ̀ zìtə̀ sə ku ngəʼ à wen a kwòʼtə̀ no nànto, ghə̀ be diʼ tò a nshinsə a nshinsə.

Ŋwàʼlə̀ Mak 16:12

Ayì a bàm Yesò fʉ̀ a kə̀ʼ ndzɨ̀mtə̀sə bàm wen səbò a ji vəwenə dyʉ̀ a tì loʼ.

Ŋwàʼlə̀ Mak 5:37

Ghə̀ sə ndyʉ̀ a ngə̀ŋ wìʼ ayì kò ghə̀ lù lyɨ̀ wutsen əcho Bità nə̀ Jems wenə̀ lèmə̀ wen Joyn.

Ŋwàʼlə̀ Luk 6:12

Tò məntsi a ghèn Yesò kuʼ a kwi pfen kətsi kətsenkə ə tsi tsu əjɨ̀m a Nyìngòŋ əzaʼa fa tʉʼ laynə ghə̀.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

2 Kolìntyàns 13:1

Mà ne sə vi ə ghayntə ghə̀ŋ alə a ndiʼ aghayn a tàʼ. Ŋwàʼlə̀ Nyìngòŋ gàʼ la, wìʼ diʼ sə gàʼ la wìʼ ne li byɨbsə kənyʉ̀, nchò nsòʼ ə wen diʼ ndiʼ viʼi və bò kò və tàʼ.

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.

Kəmwetə 20:11

Luwen ma mu yen Nyìngòŋ ghə̀ ŋwʉʼ a kəfwoyn kəfəfəkə. Ando ghə̀ fʉ a dayn, əkaŋ wenə nsə ə nsoməli dyʉ̀ to ghayn əmuʼ.