Ŋwàʼlə̀ Mak 9:17 - The New Testament in the Babanki language

¹⁷ Wutsen fà tì nòyn yi gàʼ la, “Ndìʼsə̀, mà vì nə̀ wàyn wulɨm mò à ghə̀ kiʼ kəzhwì kə byɨkə kə sə nè la ghə̀ ndiʼ jɨ.

Ŋwàʼlə̀ Mak 9:17 Iomraidhean Croise

Matìyò 12:22

Viʼi vətsenvə mù vì nə̀ wìʼ à Yesò mu kəzhwì kə byɨkə ne li kò ghə̀ lù ə nyenə shi kènla ghə̀ gàʼà. Yesò chʉʼ wìʼ ayì ghə̀ sə̀ bwènsə̀ yenə shi be gàʼà.

Matìyò 17:15

ə̀ gàʼ la, “Bobo kusə nshinsə à wàyn wùlɨm ghom ghèn. Ghə̀ nkwaʼa nə̀ kəmbvʉ̀ kə. Kə zhuŋsə̀ wen no nànto nè ghə̀ fəŋə nghoʼo məzhʉ̀ a zhìʼ ko à mù.

Matìyò 9:32

Viʼi vyì a Yesò ə chʉʼʉ li ə ne sə ə lù və be vi nə̀ wìʼ a Yesò ghə̀ kiʼ kəzhwì kə byɨkə, ko ghə̀ be gàʼa.

Ŋwàʼlə̀ Mak 10:13

Viʼi sə lyɨ̀ vunə və tyətəvə vì nə̀ vəwenə à Yesò a kətsi kətsenkə la ghə̀ kumsə vəwenə ə̀ bwàʼsə vəwenə, ndzɨ̀mtə̀sə bàm wen sə yen a lì ə̀ sə̀ kənkə viʼi a vyi.

Ŋwàʼlə̀ Mak 5:23

sə sensə̀ wen no nànto gàʼà la, “Wàyn ghom ə wùwì kwaʼà kəŋə pfʉ. Mà sènsə wù la wù vi ghʉ̀ avu wu à wen a wèn ghə̀ to ndiʼ tò a nkàyn.”

Ŋwàʼlə̀ Mak 9:16

Yesò bèm à ndzɨ̀mtə̀sə bàm wen a shì la, “Ghə̀ŋ soʼtə̀ ghò wenə̀ viʼi venə a?”

Ŋwàʼlə̀ Mak 9:18

No a zhʉ̀ kò, a kə ghaʼa wen kə temə wen a nse, ghə̀ nàʼtə̀ ə̀ to la ntɨ̀ŋ, kəfʉ̀ʼʉfʉ̀ʼʉ kə sə fʉ̀ fa wen a chʉ̀, ghə̀ be pfiʼi asoŋ wen. Mà yi mvi ə nsensə ndzɨ̀mtə̀sə bàm wù la sə dzɨ̀mə̀ shìsə kəzhwì kə byɨkə a kènkə, vəwenə mwom nənlù ədzɨ̀m shìsə̀.”

Ŋwàʼlə̀ Mak 9:25

Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”

Ŋwàʼlə̀ Luk 11:14

A sə ndiʼ kətsi kətsenkə Yesò sə dzɨ̀mə̀ kəzhwì kə byɨkə fà wìʼ a wèn a kə nè ghə̀ sə diʼ jɨ. Ando ghə̀ dzɨ̀mə̀, kəzhwì kə byɨ kə a kyì kə fʉ̀ no zhʉ kò wìʼ ayi zìtə̀ sə gàʼà. Nòyn viʼi a və ndiʼì tsu sə diʼ nə̀ kàynə.

Ŋwàʼlə̀ Luk 9:38

Wùtsen fa nòyn ayì dì a gɨ̀ to à Yesò la, “Ndìʼsə̀, ma sensə wù la wù gyàmtə̀ wàyn wulɨm ghom ghèn byìʼe a diʼ tò wen nyɨŋ à mo kəvu.

Joyn 4:47

Wù ə shwèʼè na ghèn ə vi ali ando ghə̀ zhʉ la Yesò vi li a Galìlì mu ghə̀ lù fa Jùdiyà ə sə sensə Yesò la ghə̀ vì chʉʼ wàyn wùlɨm ə wen a ghə̀ kwaʼa diʼi la ghə̀ pfʉ.