Ŋwàʼlə̀ Mak 8:13 - The New Testament in the Babanki language

¹³ Ando ghə̀ ngàʼà a lì, ə̀ ghʉ̀sə vəwenə ə bwènə̀ kwen a nkanuʼ wenə̀ ndzɨ̀mtə̀sə bàm wen ə̀ tɨm a ndzèn mo tsen yì.

Ŋwàʼlə̀ Mak 8:13 Iomraidhean Croise

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

Matìyò 7:6

“Kə wu le lyɨ̀ kəfo kə ŋwoʼkə ə moʼ a bʉsə. Wù ne ali, sə a bwənsə ə bè lɨmlə tò wù. Kə wu le lyɨ̀ kəfo ə kyəkə ə ku a və ankwʉnyàm. Wù ne tə ali, və zi və be tuʼlə tò na aghʉ.

Ŋwàʼlə̀ Mak 8:12

Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”

Ŋwàʼlə̀ Mak 8:14

Vəwenə zaʼa a ndzèn ayì mu ndzɨ̀mtə̀sə bàm wen sə lyesə li əlyɨ̀ kəbayn. A ndìʼ tò ghɨfə kəbayn la mùʼ a tì nkànuʼ ayì.

Ŋwàʼlə̀ Luk 8:37

Viʼi və tsèm a mbyɨ̀ loʼ Gelasenes gàʼ à Yesò la ghə̀ lu fa vəwenə a ntìntìn byìʼàndo vəwenə fàynə no nànto. Yesò kwen a nkanuʼ mù sə kəŋ lù.

Joyn 12:36

Ghə̀ŋ byɨmə əbayn, ghə̀ bo diʼ a ghə̀ŋ a ntìntìn ndiʼ ghə̀ŋ ndiʼ vunə əbayn.” Yesò ə gàʼa nyʉ̀ venə alə ə nyɨŋ dyʉ̀ lyòmtə̀.

Joyn 8:21

Yesò ə be gàʼ kwʉ̀ʼsə la, “Ma nè lu, kenla ghə̀ŋ zizi ghə̀ŋ dyʉ̀ a kəshi a ma dyʉ̀ tsu, ghə̀ŋ ne kəŋ mò, ko ghə̀ŋ lu yen, ghə̀ŋ ə ne ə pfʉkə a ghə̀ŋ a mbyɨsə.”

Shwèʼ 18:6

Ando vəwenə ntensə kənyʉ̀ kì a ghə̀ ngàʼà be telə̀ wen, ghə̀ bwèn dzèm wen à vəwenə ə̀ gàʼ la, “Ghə̀ŋ sətsèn nè kənyʉ̀ kènkə alə̀, Nyìngòŋ maʼa ghə̀ŋ, mu à diʼi nsoʼ ghə̀ŋ, mu kəvu komkə ko à ndiʼ tsu. Mà lì a ghʉsə ghə̀ŋ luwèn ə̀ dyʉ̀ nshə̀ʼtə̀ ntɨm jùŋ aghèn à viʼi tɨmə.”

Shwèʼ 27:2

Yès lù ə̀ dyʉ̀ kwèn a kəbaŋ kə a mù a kə nlu fa ntə̀ʼ Adlamitùm sə shiʼì dyʉ̀ fa shyə a baŋ a mù ndyʉ̀ tɨmə̀ tsu a loʼ Asìyà. Alistakùs, wù loʼ Macedonia tsen a ghə̀ nlu fa ntə̀ʼ Tèsàlonikà ndìʼ yo vəwenə a muʼu.