Ŋwàʼlə̀ Mak 8:11 - The New Testament in the Babanki language

¹¹ Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ.

Ŋwàʼlə̀ Mak 8:11 Iomraidhean Croise

Matìyò 12:38

Ndìʼsə̀sə təsoʼ sətsensə bènə̀ viʼi Falàsi vətsenvə gàʼ à Yesò la, “Ndìʼsə̀, dìʼi nchwi à yès ədìʼ la wù lù fà Nyìngòŋ.”

Matìyò 19:3

Və Falàsi vətsenvə vì ə zhʉtə chʉ wen mù bèm à wen la, “No kənyʉ̀ kətsenkə bè dìʼ à vəghəŋ a soʼ a kə gàʼà la wìʼ zì ghə̀ dzɨ̀m wì wen tsu ando ghə̀ kòŋə̀?”

Matìyò 21:23

Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Matìyò 22:15

Və Falàsi vətsenvə lù dyʉ̀ zhùŋtə̀ sə baʼtə̀ jì ndi nè la Yesò gàʼ shwè və ghaʼ wen,

Matìyò 22:18

Yesò kɨ mənàŋ mì a vəwenə nkwiʼi mù gàʼ à vəwenə la, “Ghə̀ŋ viʼi kəmbɨ̀lə̀ venə! ghə̀ŋ zhʉtə̀ chʉ̀ ghomə byìʼì ghò?

Matìyò 22:23

Tò a kətsi ayì Vəsadùsis vətsenvə lù vì à Yesò, adiʼ viʼi vyi a və ko mbyɨmə la wìʼ zì ghə̀ lu fa pfʉ, bèm à wen la,

Ŋwàʼlə̀ Mak 12:15

Yesò yèn ə̀ kɨ̀ la vəwenə yi mbɨ̀lə̀ bɨ̀lə̀ əbèm kənyʉ̀ a kèn mù bèm à vəwenə la, “Ghə̀ŋ zhʉtə̀ chʉ̀ ghomə byìʼì ghò? Ghə̀ŋ lyɨ ko kəkas vì dìʼ à mò mà yen à.”

Ŋwàʼlə̀ Mak 2:16

Ndìʼsə̀sə təsoʼ shì bènə̀ Falàsi vi a və ndiʼì tsu nè yèn ando ghə̀ zhɨ wenə̀ viʼi ne nyʉ̀ byɨvə bènə̀ viʼi tinə̀ kənsè, mù sə bèmə̀ à ndzɨ̀mtə̀sə bàm wen la, “Byìʼì ghò a ghə̀ zhɨ wenə̀ viʼi tinə̀ kənsè bènə̀ viʼi nè nyʉ̀ byɨvə vətsenvə a?”

Ŋwàʼlə̀ Mak 9:16

Yesò bèm à ndzɨ̀mtə̀sə bàm wen a shì la, “Ghə̀ŋ soʼtə̀ ghò wenə̀ viʼi venə a?”

Ŋwàʼlə̀ Luk 10:25

Ndìʼsə̀ soʼ tsen tɨmə a kàŋ sə mwòmsə Yesò ə̀ bèm la,“Ndìʼsə̀, ma nè no ghò ndi kiʼi bwòŋ yi a ghə̀ ko lu mè lì?”

Ŋwàʼlə̀ Luk 11:16

Viʼi vətsen və tò nòyn ayì sə kəŋ jì əkuʼsə ghaʼ Yesò fa tsu mù gàʼ à Yesò la ghə̀ nè kənyʉ̀ kə kaynə kətsenkə a nə̀ kəchʉtə ədìʼ la kədyòʼ kə wen kə lù fa Nyìngòŋ.

Joyn 4:48

Yesò ə gàʼ a wen la, “wìʼ fa ghə̀ŋ zizi ko ghə̀ lu byɨmə no fa mphen, a bwen la ghə̀ yen nchwi nyʉ̀ ə kaynəvə a mà nè.”

Joyn 6:30

Vəwenə be bèm a wen la, “Wu le zizi wu nè no nchwi kənyʉ̀ kə kaynəkə kə kò ə diʼ la à tɨm Nyìngòŋ ə tɨm wù mibu yès yen, ə byɨmə a? Wù lə nè no ghò?

Joyn 7:48

Ghə̀ŋ tɨmə zhʉ la no wìʼ fa tʉtʉ və Jus kò wù ə Falàsi ə tsèn byɨmə li a wen?

Joyn 8:6

Vəwenə ə mbèmə ali, mwòmsə la Yesò gaʼa ə shwè, vəwenə kiʼi kənyʉ̀ ə ghamə wen fa tsu. Alì, Yesò ə laŋtə a nse ə sə nyòʼtə fo ə wen a kəbyìʼ nə̀ nyì kəvu.

Shwèʼ 5:9

Bità mù bèm à wen la, “Byìʼì ghò a wenə̀ lɨmə wù tə̀ ghʉ̀ la ghə̀ŋ a mwòmsə̀ kəzhwì kə Bobo a?” Ghə̀ bè gàʼ la, “Viʼi vi a və byèʼè lɨmə wù ə̀ mfʉ̀ mbvɨ̀mə̀ bu ti tò a chʉ̀ ngə̀ŋ luwèn diʼi be a fʉ̀ ə̀ bvɨ̀mə̀ wù tò a lì.”

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.