Ŋwàʼlə̀ Mak 7:9 - The New Testament in the Babanki language

⁹ Ghə̀ bè gàʼ la, “Ghə̀ŋ nyɨŋə soʼ Nyìngòŋ a jì tof ndi kɨ əghaʼ ntsìnə̀ loʼ ghə̀ŋ,

Ŋwàʼlə̀ Mak 7:9 Iomraidhean Croise

Ŋwàʼlə̀ Mak 7:13

A lè ji a ghə̀ŋ ə tyenə kənyʉ̀ kə Nyìngòŋ fa tsu byìʼe ghə̀ŋ dìʼsə ntsìnə̀ loʼ ghə̀ŋ à viʼi. Ghə̀ŋ be nè tənkì tə nyʉ̀ a nə̀ tèntə no təghoʼo.”

Ŋwàʼlə̀ Mak 7:3

(Və Falàsi nə̀ Vəjew no vətsèm ntsi ntsìnə̀ loʼ yì a vətìʼ və vəwenə ntsi. Vəwenə ko zhɨ kəfo a kə lu fa woŋ ke shʉ̀ ando ntsìnə̀ loʼ ndiʼì. Kò vəwenə lə nzhɨ kəfo kèn la vəwenə shʉ li avu vəwenə a ji aghèn. Vəwenə mbe ghʉ təsòʼ tìtə a tə ngàʼà la və diʼi nshʉ̀ ndoŋsə, nə̀ vəntòyn, bènə̀ kaŋə ando ntsìnə̀ loʼ ndiʼì.)

Ŋwàʼlə̀ Mak 7:5

Viʼi vi yen ando viʼi Yesò nzhɨ kèn la vəwenə shʉ li avu, mù bèm à wen la, “Byìʼì ghò a ndzɨ̀mtə̀sə bàm wù ko tsi ntsìnə̀ vətìʼ və vəghəŋ a? Vəwenə zhɨ nə̀ avu kəmɨ̀ŋ.”

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

2 Kolìntyàns 11:4

Ma fwàynə̀ alə̀ byìʼì ando mà yèn li la ndìʼsə̀ sə dzɨŋ sə sə̀ ziʼi ghə̀ŋ nə̀ nyʉ̀ kədyàŋ kumə Yesò ko andiʼ nyʉ̀ a yès tə ziʼi ghə̀ŋ kumə wen tsu, ghə̀ŋ moʼtə to moʼtə. Wìʼ ə vì, a ghə̀ŋ nə̀ kəzhwì kə, a ko diʼ kəzhwì kə Ŋwoʼkə kì a yès nku a ghə̀ŋ, ghə̀ŋ shi to shi, ə mbe byɨmə ntɨm yì to byɨmə a ghə̀ shə̀ʼtə̀, a ko diʼ ntɨm ə jùŋ yì a yès ə nshə̀ʼtə̀ a ghə̀ŋ.

Gàlesìyà 1:14

Ma ə nkɨli ə dzɨ̀mtə̀ ji shisə a viʼi Jus nkuʼsə Nyìngòŋ fa tsu chò tebe mbvòʼò ghom a ndiʼ viʼi Jus, ghʉ kətʉ tsu no nànto ntsi ntsìnə̀ a vətìʼ vwomə ntsi.

Gàlesìyà 2:21

Mà zizi ko ma lu tensə ətyɨm ə jùŋə ghə̀ Nyìngòŋ. Wìʼ sətsen sə diʼ ndiʼ ti a nkayn wenə Nyìngòŋ byìʼì to ando ghə̀ ghʉ Əsoʼ, à ne ndiʼ la Yesò mpfʉ to kədyàŋ.”

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.