Ŋwàʼlə̀ Mak 7:7 - The New Testament in the Babanki language

⁷ Vəwenə yenə ngəʼ tò kədyàŋ gàʼà vəwenə ghoʼsə̀ mò, byìʼàndo vəwenə dìʼsə nyʉ̀ mu à shɨ̀tə̀ viʼi, ə̀ ghʉ la andiʼ təsoʼ tə Nyìngòŋ.’

Ŋwàʼlə̀ Mak 7:7 Iomraidhean Croise

Matìyò 15:9

Vəwenə ghoʼsə̀ mò tò kədyàŋ kədyàŋ byìʼàndo vəwenə dìʼsə̀ təsoʼ mu a shɨ̀tə̀ viʼi ə ghʉ la à dìʼ təsoʼ tyomtə?”

Matìyò 6:7

“Ghə̀ŋ sə ə jɨ̀m, kə ghə̀ŋ faŋ mu sə ə kwòʼtə no ghò gàʼa tò gàʼa bè gàʼa zomtə a nə̀ viʼi vyì a və ko kɨ Nyìngòŋ. Vəwenə ə ne və sə kwòʼtə̀ la Nyìngòŋ ə zhʉ əjɨ̀m ə vəwenə byìʼì ando vəwenə ə gaʼa ə lòtə̀.

1 Kolìntyàns 15:14

Kə sətsen ə ndiʼ la və kò ə nlùsə Yesò fa pfʉ, a kə ne diʼi la əziʼi ə yesə le li to kədyàŋ, tèbe əbyɨmə ə ghəŋə be andiʼ to byɨmə zɨm ghə̀.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

Kòlòsyàns 2:22

Təsoʼ tentə əgaʼa kumə to əfo, a və diʼ ə byɨf. A diʼ to nyʉ̀ ə viʼi a və ghʉ ə sə jèʼe ziʼi.

Taytùs 3:9

Kə a kwen a bèsə̀ nyʉ̀ a və ko kiʼ ətof, ə̀ be ə ntaŋtə təzhiʼ tə vətìʼ və vəghəŋ və mbì. Kə a kwen a ntaŋ nə̀ əsoyn kùmə̀ ə̀soʼ. Ənyʉ̀ kədyàŋ kədyàŋ avenə ko gyàmtə̀ wìʼ no kənyʉ̀ kətsenkə.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

Jems 2:20

Kəngwʉ̀ʼ kə kəfo kèn! Wù kəŋə la və dìʼ à wù la byɨmə kènə̀ shyèʼè dìʼ kənzɨm kə byɨmə mu?

Kəmwetə 22:18

Nò mò Joyn nə̀ ku kətyiftə no tèbè a ndò yi a ghə̀ zhʉ nyʉ̀ vyi a Nyìngòŋ ə shə̀ʼtə a ŋwàʼlə̀ ashə. A kuʼsə no ndo kənyʉ̀ tsu, a Nyìngòŋ ə kwʉ̀ʼsə ngəʼ sisə a və nyoʼ a ŋwàʼlə̀ na ghèn a wen,