Ŋwàʼlə̀ Mak 7:5 - The New Testament in the Babanki language

⁵ Viʼi vi yen ando viʼi Yesò nzhɨ kèn la vəwenə shʉ li avu, mù bèm à wen la, “Byìʼì ghò a ndzɨ̀mtə̀sə bàm wù ko tsi ntsìnə̀ vətìʼ və vəghəŋ a? Vəwenə zhɨ nə̀ avu kəmɨ̀ŋ.”

Ŋwàʼlə̀ Mak 7:5 Iomraidhean Croise

Matìyò 15:2

“Byìʼì ghò a ndzɨ̀mtə̀sə bàm wù sə ko tsi ntsìnə̀ vətìʼ və vəghəŋ a? Vəwenə nə̀ mbʉʼsə nzhɨ kò vəwenə lə shʉ̀ avu vəwenə.”

Ŋwàʼlə̀ Mak 7:13

A lè ji a ghə̀ŋ ə tyenə kənyʉ̀ kə Nyìngòŋ fa tsu byìʼe ghə̀ŋ dìʼsə ntsìnə̀ loʼ ghə̀ŋ à viʼi. Ghə̀ŋ be nè tənkì tə nyʉ̀ a nə̀ tèntə no təghoʼo.”

Ŋwàʼlə̀ Mak 7:8

“Ghə̀ŋ màʼà soʼ Nyìngòŋ, tùʼtə̀ ghaʼa tò ntsìnə̀ viʼi ghə̀ to.”

Ŋwàʼlə̀ Mak 7:9

Ghə̀ bè gàʼ la, “Ghə̀ŋ nyɨŋə soʼ Nyìngòŋ a jì tof ndi kɨ əghaʼ ntsìnə̀ loʼ ghə̀ŋ,

Shwèʼ 21:21

Və shəʼtə̀ li à vəwenə la wu ziʼì Vəjew a və tsi a təloʼ tə tɨm la kə vəwenə nghʉ təsoʼ tì a Mosìs ə vì nə̀ təwentə, mbe shə̀ʼtə̀ la wù gàʼà la kə vəwenə a nshyə ndyə̀ tə vunə vəwenə, la wù tensə̀ nyʉ̀ vyi a ntsìnə̀ Vəjew ə kəŋə.

Shwèʼ 21:24

Wù a lyɨ̀ vəwenə wenə̀ və wenə dyʉ̀ shʉ̀ təwen təŋtə ndi nlaynə a shɨ Nyìngòŋ, wù loʼ no ghò yì a vəwenə ndiʼ lòʼ ndi və kom tʉ vəwenə. Wù sətsèn nè a lì, və à yèn nəmwèʼè la no tè ghò a və tə ngàʼà byìʼì wù dìʼi ndzɨ̀ŋ byìʼàndo no nkàntə̀ wù ə̀ ghʉ soʼ Mosìs.

Lumans 4:12

Ghə̀ diʼ tomə tìʼ a viʼi vyi a və shɨtə li ndyə̀ vəwenə, a kodiʼ to byìʼì ando və shɨtə ndyə̀ vəwenə ali byìʼì ando vəwenə byɨmə kənyʉ̀ ki a Nyìngòŋ ə ghʉ̀, to ndə̀ŋndəŋ ando tìʼ vəghəŋ Ablaham ə byɨmə mibu və shɨtə ndyə̀ wen.

Gàlesìyà 1:14

Ma ə nkɨli ə dzɨ̀mtə̀ ji shisə a viʼi Jus nkuʼsə Nyìngòŋ fa tsu chò tebe mbvòʼò ghom a ndiʼ viʼi Jus, ghʉ kətʉ tsu no nànto ntsi ntsìnə̀ a vətìʼ vwomə ntsi.

2 Tèsàlonyà 3:11

Yès ə gàʼa alə̀ byìʼì ando yès ə zhʉ li la viʼi vətsenvə diʼ a ghə̀ŋ a ntìntìn mu vəwenə tensə li la vəwenə ə ko be shyèʼè tebe no kənyʉ̀ kə tsen kə ə gyàmtə̀ təwen tə vəwenə ə faŋ sə kwensə chò to nə̀ chʉ a nyʉ̀ ə viʼi.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.