Ŋwàʼlə̀ Mak 7:34 - The New Testament in the Babanki language

³⁴ mù ki kùʼsə nə̀ kaŋə ə̀ dèm bè mù gàʼ à wen la, “Ephatha” àdìʼ mu ghə̀ gàʼ la, “Bòʼmə!”

Ŋwàʼlə̀ Mak 7:34 Iomraidhean Croise

Ŋwàʼlə̀ Mak 1:41

Yesò sə diʼ nə̀ kusə nshinsə à wìʼ ayì no nànto ə̀ nàʼsə̀ kəvu kə wen ə̀ kùmsə̀ wen ə̀ gàʼ la, “Ma kòŋ li, to lì.”

Ŋwàʼlə̀ Mak 15:34

A zhʉ ayì, Yesò dì no a gɨ̀ to la, “Eloi Eloi, Lama sabatani?” Adiʼ la, “Nyìngòŋ ghom, Nyìngòŋ ghom, byìʼì ghò a wù kyemə mo a?”

Ŋwàʼlə̀ Mak 5:41

Ghə̀ dyʉ̀ ghàʼ kəvu kə wàyn ayì ə̀ gàʼ à wen la, “Talitha koum.” A diʼ la, “Wàyn wùwì ə tyetə, mà gàʼà à wù la wù lu!”

Ŋwàʼlə̀ Mak 6:41

Ghə̀ mù shì təghɨf tə kəbayn tìtə tətàyn nə̀ shʉ shìsə səbò ə̀ ki kùʼsə nə̀ kàŋə, ə̀ kʉ̀ kəzòŋ à Nyìngòŋ, mù byəʼlə kəbayn akì ə̀ kù la ndzɨ̀mtə̀sə bàm wen sə tomtə a shɨ viʼi vi. Ghə̀ be lyɨ̀ shʉ shìsə səbò ə̀ gə̀tə̀ à viʼi no vətsèm.

Ŋwàʼlə̀ Mak 7:35

Tò a zhʉ ayì, tiʼitiʼi wen bòʼkə̀, kəlyɨmə kə wen bè zì əjèʼ. Ghə̀ mù zìtə̀ sə gàʼà tò a nkàyn.

Ŋwàʼlə̀ Mak 8:12

Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”

Ŋwàʼlə̀ Luk 18:42

Yesò mù gàʼa wen la, “N-yenə shi əbyɨmə wu ne li wu nto.”

Ŋwàʼlə̀ Luk 19:41

Ghə̀ ne sə boʼsə dyʉ̀ ntə̀ʼ Jelusalèm ə kyi dyʉ̀sə̀ nə̀ ntə̀ʼ ayì, nshinsə ku wen, ghə̀ dì,

Ŋwàʼlə̀ Luk 7:14

Yesò gàʼ alì ə kwentə dyʉ̀ ə kùmsə̀ kəmbùŋ kə wu pfʉ akì, viʼi vyì a və mbyèʼè wen lì tɨmə, ghə̀ gàʼ la, “Wàyndyə nkuŋ, lu.”

Joyn 11:33

Yesò ə yen to ando ghə̀ dì nə̀ viʼi vyi a wenə vəwenə vi amuʼ ə be dì, kənyʉ̀ na kì kə sə ku ngəʼ a wen, zafə wen no nànto.

Joyn 11:35

Yesò dì.

Joyn 11:38

Yesò ə ne dyʉ̀ zàʼa achʉ̀ əsè Lazalùs, kənyʉ̀ na kì ə bo ku to ngəʼ a wen. Əsè na yi ə ndiʼ chiʼi, mu və chiʼ nə̀ ngùʼ.

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Joyn 11:43

Ghə̀ gaʼa ali ə dzàŋ gàʼ no nə̀ ghɨ ə to la, “Lazalùs, fʉ̀ vì!”

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Shwèʼ 9:34

Bità gàʼ à wen la, “Enyàs, Yesò Klistò nè li la wù to tò luwèn. Lu shɨ̀tə̀ əkwen wù.” No a zhʉ̀ kò Enyàs lù.

Shwèʼ 9:40

Bità gàʼ la vəwenə no vətsèm fʉ̀ a kəbəŋ. Vəwenə fʉ̀kə̀, Bità mù gwʉ̀ʼtə alwi wen a nse ə̀ jɨ̀m à Nyìngòŋ, nè jɨ̀m ə̀ mè ə̀ fùʼtə gàʼ à bvenə ayi la, “Tabita, lu.” Ghə̀ bòʼtə̀ ashɨ wen sə lye àdìʼ Bità, ghə̀ lù ŋwʉʼʉ ŋwʉʼʉ.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.