Ŋwàʼlə̀ Mak 7:27 - The New Testament in the Babanki language

²⁷ Yesò bòŋsə̀ bwènsə̀ la,“Ghʉsə və zhis vunə a mbì mi byìʼàndo kə ko bòŋ la və lyɨ fozhɨvə vunə ə̀ mòʼ à bʉsə.”

Ŋwàʼlə̀ Mak 7:27 Iomraidhean Croise

Matìyò 10:5

Yesò ə nlu sə ə tɨm viʼi a venə njʉ̀sə̀ bò ə gàʼa a vəwenə la, “Kə ghə̀ŋ dyʉ̀ a əloʼ kətɨm; kə ghə̀ŋ dyʉ̀ a ntə̀ʼ Sàmalìyà no əmùʼ.

Matìyò 7:6

“Kə wu le lyɨ̀ kəfo kə ŋwoʼkə ə moʼ a bʉsə. Wù ne ali, sə a bwənsə ə bè lɨmlə tò wù. Kə wu le lyɨ̀ kəfo ə kyəkə ə ku a və ankwʉnyàm. Wù ne tə ali, və zi və be tuʼlə tò na aghʉ.

Ŋwàʼlə̀ Mak 7:28

Wùwì ayì byɨmə ə̀ gàʼ la, “Mà kɨ li a lì a Tìʼ alì tè bʉsə a sə ŋwʉʼ boʼsə a kəshi a vunə zhɨ tsu boŋtə̀ bwəʼ fozhɨvə vəwenə zhɨ!”

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Lumans 15:8

Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.