Ŋwàʼlə̀ Mak 7:2 - The New Testament in the Babanki language

² sə nki, ə̀ yèn ando ndzɨ̀mtə̀sə bàm wen sətsensə nzhɨ nə̀ avu kəmɨ̀ŋə, kèn la vəwenə shʉ li a ji a ntsìnə̀ loʼ vəwenə nkəŋ la və shʉ avu fa tsu.

Ŋwàʼlə̀ Mak 7:2 Iomraidhean Croise

Matìyò 15:2

“Byìʼì ghò a ndzɨ̀mtə̀sə bàm wù sə ko tsi ntsìnə̀ vətìʼ və vəghəŋ a? Vəwenə nə̀ mbʉʼsə nzhɨ kò vəwenə lə shʉ̀ avu vəwenə.”

Ŋwàʼlə̀ Mak 7:5

Viʼi vi yen ando viʼi Yesò nzhɨ kèn la vəwenə shʉ li avu, mù bèm à wen la, “Byìʼì ghò a ndzɨ̀mtə̀sə bàm wù ko tsi ntsìnə̀ vətìʼ və vəghəŋ a? Vəwenə zhɨ nə̀ avu kəmɨ̀ŋ.”

Ŋwàʼlə̀ Luk 11:38

Wù Falàsi ayi sə diʼ nə̀ kàynə yen la Yesò zhɨ kènla ghə̀ shʉli avu.

Shwèʼ 10:28

Ghə̀ gàʼ à vəwenə la, “Ghə̀ŋ ə kɨ no a nkàyn la soʼ Vəjew ko byɨmə la yès nghayntə viʼi tɨm à vəwenə aloʼ, kò ghə̀ lu mbyɨmə la yès ə njèʼè yo tɨmə a vyi; alì luwèn Nyìngòŋ diʼì li à mò la kə ma dzàŋ wìʼ la ghə̀ ko diʼ wu laynə a jì a ntsìnə̀ lòʼ kəŋ.

Shwèʼ 11:8

Mà bwènsə̀ la, ‘Mà zì ko ma lù mwòm a Bobo byìʼàndo kəfo kə ko ntɨmə̀ kwen à mò chʉ̀, a soʼ loʼ yès ko byɨmə la və zhɨ.’

Lumans 14:14

Ma kɨli nəmwèʼè la kəfo kə zhɨkə kə tsenkə ko diʼ a kə ko laynə kʉʼʉ. Ma kɨ alə̀ byìʼì ando ma byɨmə a Bobo Yesò. Alì, wìʼ sətsèn ə yen la kəfo kə ko diʼ laynə, mu kə li ko laynə a wen.

Hibùlù 10:29

Kə sətsen ndiʼ mu kə ndiʼ alə̀ achʉʼ ə Mosìs, kə lu ndiʼ no ale a viʼi vyi a və chasə Wàyn Nyìngòŋ a? Kə lu ndiʼ no ale a wìʼ a ghèn a ghə̀ faŋ ke lyɨ̀ mənlyuŋ mì a Nyìngòŋ ə zhɨ̀ məkàyn ə shʉ̀ ə laynsə mbyɨsə wen a kənyʉ̀ a? Kə lu ndiʼ no ale a wìʼ a ghèn a ghə̀ telə kəzhwì kə Nyìngòŋ, a diʼ kəwenkə a kə diʼi ətyɨm ə jùŋə ghə̀ Nyìngòŋ a?

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.