Ŋwàʼlə̀ Mak 7:18 - The New Testament in the Babanki language

¹⁸ Yesò gàʼ à vəwenə la, “Ghə̀ŋ bò bu tò ngu to nə̀ viʼi vətsenvə mu? Ghə̀ŋ kɨ la no tè ghò a wìʼ zhɨ ko zì ghə̀ ne la kə ghə̀ a ndiʼ nə̀ laynə.

Ŋwàʼlə̀ Mak 7:18 Iomraidhean Croise

Matìyò 15:11

A ko diʼ kəfo kì a kə kwenə à wìʼ a chʉ̀ a kə nè la kə wìʼ ndiʼ wu laynə a ashɨ Nyìngòŋ, à bòŋsə̀ dìʼ nyʉ̀ vyi a və fʉ̀ fà wen a chʉ̀.”

Matìyò 16:11

A nè ghò a ghə̀ŋ ko kɨ̀ la mà ko yi ngàʼà à ghə̀ŋ byìʼì kəbayn a? Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Ŋwàʼlə̀ Mak 4:13

Ando Yesò ngàʼa a lì mù bèm à vəwenə la, “Kə diʼ la ghə̀ŋ ko zhʉ kɨ ngàyn aghèn mu? Ghə̀ŋ le sətsèn fàŋ ke kɨ kənyʉ̀ a ngàyn ghèn ə dìʼsə, ghə̀ŋ bè lə̀ kɨ ngàyn tsen a?

Ŋwàʼlə̀ Mak 7:17

Yesò nè lù mòʼtə̀ nòyn viʼi a vyi dyʉ̀ kwèn a ngə̀ŋ, ndzɨ̀mtə̀sə bàm wen sə gàʼ à wen la ghə̀ shə̀ʼtə̀ kənyʉ̀ a ngàyn yì ndìʼì.

Ŋwàʼlə̀ Mak 7:19

Kə diʼ alə̀ byìʼàndo ghə̀ zhɨ kəfo kò kə lu ndyʉ̀ à wen a tyɨm. Ghə̀ zhɨ kə dyʉ̀ à wen a bèm, fa tsu kə chò fʉ̀ tò fʉ fà wen a wèn.” (Yesò ngàʼà a lì ədìʼ la no kəfo kəzhɨkə kə kò kə laynə a məzhɨ.)

Ŋwàʼlə̀ Luk 24:25

Ghə̀ mù bwènsə̀ gàʼ a vəwenə la. Ghə̀ŋ ndiʼi ndzə̀ŋtə̀, tətyɨm tyəŋtə bwaʼa ghə̀ŋ byɨmə kənyʉ̀ a nshə̀ʼtə̀sə ngaʼa.

Joyn 3:10

Yesò ə bèm a wen la, “A ko wù diʼ no ndìʼsə̀ ə ghoʼo alòʼ ə Islel, ko wù lu nkɨ tebè nyʉ̀ venə a le lo?”

1 Kolìntyàns 3:2

Kənyʉ̀ kì a ma ə̀ ziʼi a ghə̀ŋ ə ndiʼ to nə̀ zhwin a və kù a voyndyə və bwaʼvə, a ko diʼ əfo ə zhɨvə ə to və byìʼì ando ghə̀ŋ nko təmə bo ə kwi ə kwʉʼ. Nò tèbe luwen, ghə̀ŋ ko təmə kwi ə kwʉʼ.

Hibùlù 5:11

Ənyʉ̀ ə diʼ to kədə̀ŋ ə gàʼ a ghə̀ŋ kumə kənyʉ̀ na kènkə ali kə ko bwaʼmə ə gàʼ byìʼì ando ghə̀ŋ ko zaŋsə zhʉ̀ kɨ kənyʉ̀.