Ŋwàʼlə̀ Mak 7:15 - The New Testament in the Babanki language

¹⁵ kəfo kə ko diʼ a wìʼ zì ghə̀ zhɨ kə ne la ghə̀ ndiʼ nlaynə alì à dìʼ nyʉ̀ a və fʉ̀ fà wen à wèn a və nè ghə̀ sə diʼ ko ghə̀ lu laynə.

Ŋwàʼlə̀ Mak 7:15 Iomraidhean Croise

Matìyò 12:34

Ghə̀ŋ zhusə byɨsə sènsə, kənyʉ̀ kə jùŋkə ko zì kə fʉ̀ fà ghə̀ŋ a chʉ̀ byìʼàndo ghə̀ŋ dìʼ viʼi və byɨvə. Gɨ̀ chʉ̀ dìʼ alə̀ gàʼà tò kənyʉ̀ a kə fʉ̀ fa tyɨm mu ghə̀ lwin li nə̀ nki nyʉ̀ a vyi.

Matìyò 15:16

Yesò bèm à vəwenə la, “La mbo tə tofə təŋtə bò bu bwaʼa tò nə̀ tə viʼi vətsenvə mu?

Ŋwàʼlə̀ Mak 7:14

Yesò gàʼ a lì bè dzàŋ nòyn viʼi vi ghə̀ vì, ghə̀ gàʼ à vəwenə la, “Ghə̀ŋ zhʉtə no ghə̀ŋ vətsèm ə̀ nkɨ la

Ŋwàʼlə̀ Mak 7:16

No ndò a ghə̀ kiʼì tof ghə̀ tùʼù zhʉ̀tə kənyʉ̀ a kènkə.”

Shwèʼ 10:28

Ghə̀ gàʼ à vəwenə la, “Ghə̀ŋ ə kɨ no a nkàyn la soʼ Vəjew ko byɨmə la yès nghayntə viʼi tɨm à vəwenə aloʼ, kò ghə̀ lu mbyɨmə la yès ə njèʼè yo tɨmə a vyi; alì luwèn Nyìngòŋ diʼì li à mò la kə ma dzàŋ wìʼ la ghə̀ ko diʼ wu laynə a jì a ntsìnə̀ lòʼ kəŋ.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

1 Kolìntyàns 10:25

Ghə̀ŋ mpfiʼi no tèbe nki nyàm ə kò a və baʼlə a nguʼ ə nyàm. Ghə̀ŋ sə phiʼi, kə ghə̀ŋ a kayntə kənyʉ̀ kumə nyàm ayi, əghʉ̀ nyʉ̀ a ghə̀ŋ kwòʼtə.

Taytùs 1:15

Əfò tsèm ə laynə à viʼi a tətyɨm tə vəwenə tə laynə, alì ko kəfo kə laynə à viʼi a tətyɨm tə vəwenə tə ko laynə kènla vəwenə byɨmə à Klistò byìʼàndo tətyɨm tə vəwenə, nə̀ təkwòʼtə̀ tə vəwenə tə sə diʼ mu tə byɨf li.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.