Ŋwàʼlə̀ Mak 5:23 - The New Testament in the Babanki language

²³ sə sensə̀ wen no nànto gàʼà la, “Wàyn ghom ə wùwì kwaʼà kəŋə pfʉ. Mà sènsə wù la wù vi ghʉ̀ avu wu à wen a wèn ghə̀ to ndiʼ tò a nkàyn.”

Ŋwàʼlə̀ Mak 5:23 Iomraidhean Croise

Matìyò 8:3

Yesò nàʼsə̀ kəvu kə wen ə kùmsə̀ wen ə gàʼ la, “Kə diʼ ando wu gàʼà, to fa kwaʼa ghèn.” No a zhʉ̀ kò, kənsòtə̀ a ki mè fà a wen.

Ŋwàʼlə̀ Mak 16:18

Vəwenə sətsèn ghàʼ zhusə ko zhɨ ləʼ kò kənyʉ̀ kə à nè vəwenə. Vəwenə a nghʉ avu a tʉ viʼi və kwaʼkəvə, vəwenə to.”

Ŋwàʼlə̀ Mak 5:24

Yesò lù ə ndyʉ̀ wenə̀ wen, nòyn ə viʼi sə fosə̀ dyʉ̀ fà wen a bàm.

Ŋwàʼlə̀ Mak 6:13

Vəwenə ndzɨ̀mə̀ shìsə̀ zhwì byɨvə fà viʼi a təwèn no vəghoʼo be zuʼu viʼi vəkwaʼkəvə no vəghoʼo chʉʼʉ vəwenə.

Ŋwàʼlə̀ Mak 7:32

Və vì nə̀ wìʼ à wen tsu mu kətʉ kə wen kə pfʉ li kò ghə̀ lu ngàʼà mù sə sènsə Yesò la ghə̀ kum wìʼ ayì ghə̀ to.

Ŋwàʼlə̀ Mak 8:23

Yesò ghaʼ kwoŋ wìʼ ayì wenə̀ wen fʉ̀ fa ntə̀ʼ ayì, ghə̀ chʉ mənte à wen a ashɨ mù ghʉ̀ avu wen à wen a kətʉ ə̀ bèm à wen la, “Wu lè zì wù yen kəfo a?”

Ŋwàʼlə̀ Luk 4:38

Yesò fʉ̀ fa ngə̀ŋ ntsèntə̀ ayì ə dyʉ̀ kwen a ngə̀ŋ Simon. A ndiʼ alì chì simon wùwì nkwaʼa nə̀ fiba to, vəwenə sensə Yesò la ghə̀ gyàmtə̀ wen.

Ŋwàʼlə̀ Luk 4:40

Chʉzhʉ ne sə shwe, no məndo a ghə̀ kiʼ wu kwaʼa, kò ghə̀ kwaʼa tè nə̀ nkì kwaʼa kò, lyɨ̀ wen vì nə̀ wen à Yesò. Ghə̀ mù ghʉ avu wen a vəwenə a tʉ ə chʉʼ vəwenə.

Ŋwàʼlə̀ Luk 7:12

A sə ndiʼ ando ghə̀ mboʼsə dyʉ̀ a chʉ ntə̀ʼ ayì, ə̀ yen viʼi mu və byèʼè li wù pfʉ sə fʉ̀ vì nə̀ wen. Wàyn wulɨm pfʉ ayì ndiʼ tò wen nyɨŋ a kəvu lì wen, lì wen ayì ndiʼ wùwì mpfʉ. Wùwì mpfʉ ayì ndiʼ wenə tənòyn tə viʼi no ghoʼo a və nlù fa ntə̀ʼ ayì.

Joyn 11:3

Vəlemə na venə mu tɨmə ntɨm a Yesò ə gàʼ la, “Bobo, wìʼ yi a wù kòŋ li ə kwaʼa.”

Shwèʼ 28:8

A ndìʼ a lì, tìʼ Bubliyus kiʼ bvìʼ, bèm ə wen be tsuʼu. Bol kwen dyʉ̀ a tì ngə̀ŋ yì a ghə̀ nyoŋ tsu, ə̀ ghʉ avu wen à wen a kətʉ ə̀ jɨ̀m, kwaʼa ayi mè.

Shwèʼ 6:6

Viʼi vəbyɨməvə a vyi tsuʼ viʼi avenə a lì vì nə̀ vəwenə a shɨ viʼi ntɨm ə̀ Yesò vəwenə ghʉ avu à vəwenə a tʉ ə̀ jɨ̀m à vəwenə.

Shwèʼ 8:17

Bità wenə̀ Joyn ghʉ avu à vəwenə a tʉ, Kəzhwì kə ŋwòʼəkə mù vì à vəwenə.

Shwèʼ 9:12

Ghə̀ yen to sə a diʼ a jòm la wìʼ tsen a və dzò wen nə̀ Ananyàs kwen li ə mvi ghʉ avu wen à yì a kətʉ ndi yì mbwènsə̀ yenə shì.”

Shwèʼ 9:17

Ananyàs lù ə̀ dyʉ̀ kwèn a ngə̀ŋ ayì ə̀ ghʉ̀ avu wen a kətʉ Saul gàʼà la, “Lèmə̀ ghom Saul, Bobo, a diʼi Yesò yì a wù yì yen a ji ando wù yì mvi a shèn lì, tɨm li mò la mà vi ə̀ nè ashɨ wu mbwènsə̀ yenə shi, bè nè la Kəzhwì kə ŋwòʼəkə vì à wù.”