Ŋwàʼlə̀ Mak 5:15 - The New Testament in the Babanki language

¹⁵ ə̀ vì yèn Yesò nə̀ wìʼ yì a ghə̀ nkìʼ nòyn zhwì byɨvə lì ŋwʉʼ tsu mu ghə̀ moʼò li ndisə be diʼ à wen a tof. Viʼi vi yen a lì mù sə fànə̀ no nànto.

Ŋwàʼlə̀ Mak 5:15 Iomraidhean Croise

Matìyò 12:29

“Ghə̀ŋ diʼi kwòʼtə̀ la, wìʼ zì ghə̀ kwen a ngə̀ŋ wù kədyòʼ ə̀ ghaʼa shi fo wen, à bwen la ghə̀ ghaʼ li wù kədyòʼ ayì ə nkwiʼ a mbì mi lo? Ghə̀ diʼi nè a lì, ə mu tsòŋ ngə̀ŋ wen.

Matìyò 26:53

Ghə̀ŋ ko kɨ̀ la à tu yi ndiʼ soyn mu mà zì mà sensə Tìʼ ghom ghə̀ ku ntsɨ̀ŋsə ngə̀ŋ wen nkamsə no sə ghoʼo la sə soyn à mò.

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Matìyò 9:33

Yesò dzɨ̀mə̀ shisə kəzhwì kə byɨkə a kì alì, wìʼ a yi ə gàʼa. Ənòyn ə viʼi vyi ə sə dìʼ nə̀ kàynə ə gàʼa la, “vəghəŋ ko tɨmə yen nki kənyʉ̀ alə̀ aloʼ ə Islel a shə̀.”

Ŋwàʼlə̀ Mak 5:14

Viʼi vi a və ntùʼmə̀ nə̀ və ankwʉnyàm a vyi nyɨŋkə pfwo dyʉ̀ shə̀ʼtə̀ soʼ ghò aghèn a ntə̀ʼ ayì bè jèʼ shə̀ʼtə̀ a təsɨm à viʼi. Viʼi fʉ̀ ədyʉ̀ yen kənyʉ̀ a kə nchoʼ

Ŋwàʼlə̀ Mak 5:16

Viʼi a və nyenə ando kənyʉ̀ akì nchò shə̀ʼtə̀ kənyʉ̀ a kə yì chò nə̀ wù zhwì byɨvə yì bènə̀ kì a kə yì chò nə̀ və ankwʉnyàm vi à vəwenə.

Ŋwàʼlə̀ Mak 5:18

Ghə̀ nè sə nkwenə a nkànuʼ əlù wìʼ yì a ghə̀ nkìʼ zhwì byɨvə lì mù sə sensə̀ əboʼsə dyʉ̀ nə̀ wen.

Ŋwàʼlə̀ Mak 5:4

Andìʼ aghayn no ghoʼo a və nkwiʼ li afwen wen bènə̀ akwòŋ wen nə̀ mfɨŋsə. No a zhʉ̀ kò a və kwiʼi, ghə̀ tìntə tò tintə. No wìʼ nko diʼ a ghə̀ nto kwʉ̀ʼʉ̀ əghaʼ wen ghʉ a kəshi kə mùʼ.

Ŋwàʼlə̀ Mak 5:9

Yesò mù bèm à wìʼ ayì la, “Zhiʼ wu diʼ ndò?” Ghə̀ bwènsə̀ la, zhiʼ ghomə diʼ “Tənòyn”, byìʼàndo yes dìʼ no vəghoʼo.

Ŋwàʼlə̀ Luk 10:39

A ndiʼ alì Matà kiʼ lèmə̀ wen tsen a zhiʼ wen ndiʼ Mèli. Mèli nvì ŋwʉʼ no mənzhʉ̀ tsèm a shɨ Bobo zhʉtə ziʼi wen.

Ŋwàʼlə̀ Luk 8:27

Yesò ne sə fʉ̀ vì a mbyɨ̀ àmù ə bùmtə̀ wen nə̀ wìʼ mu ghə̀ lù fa ntə̀ʼ tsen tsu. Wìʼ ayì kiʼ zhwì byɨvə mu və ntsi li no kəghaf, kò ghə̀ mòʼ kəfo a wenə a wèn kènla ghə̀ tsi a ngə̀ŋ, tsi tò a mbvɨməsə.

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

2 Timotì 1:7

Mà gàʼà alə byiʼ ando Nyìngòŋ ko ku kəzhwì kəfwàyn a vəghəŋ. Ghə̀ ku kəzhwì la kə nə̀ ne vəghəŋ ə kiʼi ətyɨm to ghə̀, kòŋ viʼi vətsenvə, bè kɨ ə ghaʼ tə wen tə vəghəŋ.