Ŋwàʼlə̀ Mak 5:13 - The New Testament in the Babanki language

¹³ Ghə̀ ghʉsə vəwenə, vəwenə fʉ̀ fa wèn wìʼ ayì dyʉ̀ kwèn a təwèn və ankwʉnyàm a vyi. Və ankwʉnyàm a vyi ndìʼ əzaʼa a nkamsə səbò, və shen shìʼi fa wèn pfen ayì ə̀ tsòʼkə̀ à mù mə nghoʼomə̀ ə̀ pfʉ̀kə.

Ŋwàʼlə̀ Mak 5:13 Iomraidhean Croise

Matìyò 7:6

“Kə wu le lyɨ̀ kəfo kə ŋwoʼkə ə moʼ a bʉsə. Wù ne ali, sə a bwənsə ə bè lɨmlə tò wù. Kə wu le lyɨ̀ kəfo ə kyəkə ə ku a və ankwʉnyàm. Wù ne tə ali, və zi və be tuʼlə tò na aghʉ.

Matìyò 8:32

Yesò gàʼà zhwì byɨ və avyi la, “Ghə̀ŋ dyʉ̀!” No a zhʉ kò və fʉ dyʉ̀ kwen a tyì və ankwʉnyàm vyi və nyɨŋ shiʼi fa wye bàm ayi ə tsoʼkə̀ a mù pfʉkə.

Ŋwàʼlə̀ Mak 5:12

Zhwì byɨvə a vyi sensə Yesò gàʼà la, “Tɨm yes a kəshi kə və ankwʉnyàm a fàʼà yès kwen à vəwenə a təwèn.”

Ŋwàʼlə̀ Mak 5:14

Viʼi vi a və ntùʼmə̀ nə̀ və ankwʉnyàm a vyi nyɨŋkə pfwo dyʉ̀ shə̀ʼtə̀ soʼ ghò aghèn a ntə̀ʼ ayì bè jèʼ shə̀ʼtə̀ a təsɨm à viʼi. Viʼi fʉ̀ ədyʉ̀ yen kənyʉ̀ a kə nchoʼ

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.

Kəmwetə 20:7

A lu ndiʼ ando ngʉ̀ʼsə asènsə nkam me li, və shisə Satan fà wen a mfɨŋ yì,

Kəmwetə 9:11

Ngùməsə a shìsə̀ nkìʼ fòyn a ghə̀ soʼo səwensə, à diʼ ntsɨ̀ŋ yì a ghə̀ tùʼmə̀ nə̀ nkwòŋ yì a ghə̀ shwemə shiʼi dyʉ̀ tò dyʉ̀ lì. Əzhiʼ ə wen a əgàʼ ə Hibùlù ə̀ ndìʼ Abadòn, diʼ a əgàʼ ə Glis la Abolon.