Ŋwàʼlə̀ Mak 4:8 - The New Testament in the Babanki language

⁸ A tsenghə fəŋkə no a nse jùŋə, kuʼ ə̀ kù no a nkayn, və sə fʉ pfì. Ashɨ asaŋ nku a kətʉ kə saŋ tsenghə ghoʼo zaʼa a məwum ntaʼ; ku a kətsenkə məwum ntʉfə, be ku a kətsenkə ghɨ.”

Ŋwàʼlə̀ Mak 4:8 Iomraidhean Croise

Matìyò 13:23

Ngwaʼa tsen yì a ghə̀ mfəŋkə a nse jùŋ dìʼ to nə̀ viʼi vyi a və zhʉ kənyʉ̀ kə Nyìngòŋ ə nkɨ kənyʉ̀ kì a kə gàʼà. Kə kumə ashɨ ghoʼoghə a ntsìnə̀sə viʼi vətsenvə ə̀ kumə ashɨ tyetəghə a ntsìnə̀sə vətsenvə.”

Matìyò 13:8

Ashɨ à tsenghə fəŋkə a nse jùŋ ə̀ kwi fosə no a nkàyn ə̀ bi, zaŋsə tsenəvə nkiʼi asaŋ tsu wum, tsenəvə kiʼ asaŋ ntʉfə, tsenəvə kiʼ asaŋ à taʼ”.

Ŋwàʼlə̀ Mak 4:20

Tətyɨm tə viʼi vətsenvə diʼ to nə̀ nse jùŋə a və we ngwàʼ tsu. Adiʼ viʼi a və zhʉ kənyʉ̀ kə Nyìngòŋ vəwenə ghàʼ tò ghaʼa kə kumə ashɨ à vəwenə ntsìnə̀sə; à tsenghə kùmə̀ ashɨ məwum ntaʼ, a tsenghə məwum ntʉfə, a tsenghə kùmə̀ ghɨ.”

Ŋwàʼlə̀ Mak 4:7

Ashɨ a tsenghə fəŋkə a kəshi a ndzoŋsə nkuʼu tsu, nè fʉ̀, ndzoŋsə a shìsə kuʼ ə̀ sùlə̀ à wenə ghə̀ kò ghə̀ lə̀ kumə.

Ŋwàʼlə̀ Mak 4:9

Yesò gàʼ a vəwenə la, “No ndò a ghə̀ tofə ghə̀ tùʼù zhʉtə.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Ŋwàʼlə̀ Luk 8:8

Ghətsen nfəŋkə a nse jùŋ, ə̀ fʉ̀ ə kuʼ ə fosə ə bi, və sə fʉ̀ pfì. No kətʉ kə asaŋ kə kò sə ku ashɨ asaŋ, ghə̀ ghoʼo zaʼa a ghɨ.” Yesò gàʼ alì ə be mù gàʼ no a gɨ̀ to la, “No məndo a ghə̀ tofə, ghə̀ tùʼù zhʉtə.”

Joyn 15:5

“Ma diʼ fəkòʼ, ghə̀ŋ diʼ tətam. Wìʼ sətsen faŋ a mo wen, ma be a faŋ a wen, ghə̀ a kumə ashɨ, to kədə̀ŋ. A bwèn fa mo, ghə̀ŋ zizi ko ghə̀ŋ lu nè kənyʉ̀.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Efisyàns 2:21

A diʼi wen yi a ghə̀ ghaʼa ngə̀ŋ a ghèn, Ghə̀ŋ ne kuʼu a kaŋ a ngə̀ŋ ə ghoʼo ə Bobo.

Filìbàyns 1:11

Kə sətsen ə ndiʼ alə̀ Yesò Klistò a nè, ghə̀ŋ ne ntsi ntsìnə̀ ə tɨmə, ndi viʼi yen ə ku əkuʼsə a Nyìngòŋ ə, be bwomsə wen.

Kòlòsyàns 1:6

Ntɨm ə jùŋ ghèn ə dyʉ̀ no shì ə tsèm a mbi, ghə̀ be vi nə̀ kwitə a viʼi a ntsìnə̀sə. Ntɨm ayi nvi li nə̀ kwitə a ghə̀ŋ ə zìtə̀ fa achʉʼ yi a ghə̀ŋ ə nzhʉ əkɨ nəmwèʼè kumə ətyɨm ə jùŋə Nyìngòŋ.