Ŋwàʼlə̀ Mak 4:6 - The New Testament in the Babanki language

⁶ No a zhʉ̀ kò a chwìchwì mbanə ə̀ nyʉ̀ʼ ngwàʼ ayì ghə̀ zɨm byìʼàndo aghaŋ yi nkò kwen shìʼi a nse.

Ŋwàʼlə̀ Mak 4:6 Iomraidhean Croise

Matìyò 13:6

Chwìchwì bayn nyùʼ ngwàʼsə fo a shìsə byìʼàndo aghaŋ a yi nko təmə̀ dyʉ̀ a nse. Ngwàʼ a shìsə mù zɨm.

Ŋwàʼlə̀ Mak 4:5

Ghətsen fəŋkə a təwu kò nse nghoʼo tsu, ə̀ zàŋsə̀ fʉ̀ byìʼàndo nse ntyenə.

Ŋwàʼlə̀ Mak 4:7

Ashɨ a tsenghə fəŋkə a kəshi a ndzoŋsə nkuʼu tsu, nè fʉ̀, ndzoŋsə a shìsə kuʼ ə̀ sùlə̀ à wenə ghə̀ kò ghə̀ lə̀ kumə.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

2 Tèsàlonyà 2:10

Ghə̀ lu ə kiʼ ətyɨm ə byɨghə, dzɨŋsə viʼi vyi a və diʼ ə pfʉkə, to a jisə a jisə. Vəwenə lu pfʉkə byìʼì ando vəwenə ko tə kòŋ ə zhʉ̀ ntɨm yì a ghə̀ diʼi nəmwèʼè kùmə̀ Bobo vəghəŋ ndiʼ Nyìngòŋ ə bwoŋsə vəwenə.

Jems 1:11

Chwìchwì lu mbanə to, ghə̀ nyùʼù agəŋ, dzudzu vi ə zàʼa ngòyn ə yi mù lè. A diʼ tò ndə̀ŋndəŋ ando wu ghoʼo lu sə njèʼè tsuʼtə̀ nyʉ̀ wen ə bvʉ̀tə pfʉ.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.

Kəmwetə 7:16

Jɨ̀ŋ ə ko be lu zaf vəwenə, kènla ətoŋ ə mù be lu zɨm vəwenə. Chwìchwì kò əshi lɨməvə ko lu be nyùʼ vəwenə,