Ŋwàʼlə̀ Mak 4:24 - The New Testament in the Babanki language

²⁴ Ghə̀ bè gàʼ à vəwenə la, “Ghə̀ŋ ntùʼmə̀ nə̀ nyʉ̀ vyi a ghə̀ŋ zhʉ. No nshə̀ʼ ko a ghə̀ŋ ku fo tsu à viʼi à dìʼi ndə̀ŋndəŋ nshə̀ʼ a və be lə ku tsu à ghə̀ŋ ə be ku tè ku ə chò.”

Ŋwàʼlə̀ Mak 4:24 Iomraidhean Croise

Matìyò 7:2

Ghə̀ŋ sətsèn ə̀ soʼo viʼi no te a jì ko, və lə boŋ soʼ ghə̀ŋ tò ali. Ghə̀ŋ sə ə soʼo ə wìʼ ə shyèʼ wen no nə̀ nshyèʼ ə ko, və lə be le shyèʼ ghə̀ŋ tò nə̀ nshyèʼ a yì.

Ŋwàʼlə̀ Mak 9:7

Mbòʼ shiʼi tò a zhʉ ayì chiʼtə vəwenə, gɨ̀ fʉ̀ fa tsu gàʼà la, “Ghèn dìʼ wàyn kòŋ mò. Ghə̀ŋ nzhʉ fà wen.”

Ŋwàʼlə̀ Luk 8:18

“Ghə̀ŋ tùʼmə̀ li nə̀ jì a ghə̀ŋ zhʉtə fa tsu byìʼì no məndo, a ghə̀ kiʼi, və a ku kwùʼsə̀ a wen, no məndo, a ghə̀ ko kiʼ və a shi tè kətyetə kyì a ghə̀ kwòʼtə̀ la ghə̀ kiʼi.”

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Joyn 5:25

Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

2 Kolìntyàns 9:6

Ghə̀ŋ diʼ kɨ la no ndò a ghə̀ wè to ntèʼ, a ghə̀ lù be pfì to ntèʼ, no ndò a ghə̀ wè no kə ghoʼo, a ghə̀ lù pfì to no kə ghoʼo.

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.