Ŋwàʼlə̀ Mak 4:19 - The New Testament in the Babanki language

¹⁹ alì nyʉ mbi bènə̀ kòŋ yi a viʼi kòŋə̀ ghoʼ bènə̀ kòŋ a viʼi kòŋə̀ fo mbi tsenəvə mù sə tàʼsə̀ vəwenə kò andìʼ la gàʼ ayi a kumə ashɨ a vəwenə a ntsìnə̀sə.

Ŋwàʼlə̀ Mak 4:19 Iomraidhean Croise

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Matìyò 19:23

Yesò mù gàʼ à ndzɨ̀mtə̀sə bàm wen la, “Mà gàʼà à ghə̀ŋ nəmwèʼè la kə lu nto no nànto wu ghoʼo kwen a soʼ Fòyn Nyìngòŋ.

Matìyò 3:10

Ghə̀ŋ kɨ la ndzam ti a tì nkòʼ luwen, mu a faŋ tə fəkòʼ fə ko ke kumə ashɨ jùŋ ghə̀ mu və a bvaʼ ə mòʼ a zhìʼ.

Ŋwàʼlə̀ Mak 4:18

Tətyɨm tə viʼi vətsenvə be diʼ to nə̀ kəshi a ndzoŋsə kuʼu tsu a və moʼò ngwàʼ tsu. A dìʼ vəwenə a və zhʉ kənyʉ̀ kə Nyìngòŋ

Ŋwàʼlə̀ Luk 10:41

Bobo toŋtə wen ə gàʼ la “Matà, Matà, nyʉ̀ sə̀ ku ngəʼ à wù no ghoʼo.

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Joyn 15:2

chwaynə maʼ tətam titə a tə ko kumə ashɨ a mo wèn, tsùʼtə fo fa tətam a tyi a tə ko kumə ashɨ, ndiʼ tə tuʼ kumə.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

2 Bità 1:8

Ghə̀ŋ ə sətsen ə kwi to kwi a ghə̀ŋ a ntsìnə̀sə a ji na ghèn, ghə̀ŋ a ne nyʉ̀ to ndə̀ŋndəŋ, be kuʼmə, ghə̀ŋ a diʼ la mə kɨ yì a ghə̀ŋ kɨli Bobo vəghəŋ Yesò Klistò ə ko le to kədyàŋ.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.