Ŋwàʼlə̀ Mak 4:17 - The New Testament in the Babanki language

¹⁷ Kənyʉ̀ akì kwèn à vəwenə a tətyɨm alì kò aghaŋ yi lù nshiʼi à vəwenə a tətyɨm. Vəwenə ghaʼa tyɨm tò fəshitə̀ alə̀, ngəʼ ko tsuʼu aghʉ byìʼì kənyʉ̀ kə Nyìngòŋ nè sə vì no a zhʉ̀ kò, vəwenə zàŋsə̀ fəŋkə.

Ŋwàʼlə̀ Mak 4:17 Iomraidhean Croise

Matìyò 11:6

Ghə̀ŋ be shə̀ʼtə̀ à Joyn la mbwaʼmə dìʼ a wìʼ yì a ghə̀ ko màʼà byɨmə wen yi a ghə̀ kiʼi à mò.”

Matìyò 12:31

A dìʼ byìʼì alə̀ a ma gàʼà à ghə̀ŋ la, Nyìngòŋ zì ghə̀ maʼa no tè mbyɨ kò a wìʼ ne à wutsen kò a ghə̀ ne à Nyìngòŋ, alì mu no ndò sətsèn nè mbyɨ à kəzhwì kəŋwoʼəkə, kò Nyìngòŋ lù màʼà mbyɨ wen ayì.

Matìyò 13:21

Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Ŋwàʼlə̀ Mak 4:16

Tətyɨm tə viʼi vətsenvə diʼ to nə̀ nse təghu a və moʼò ngwàʼ tsu. Nki viʼi a venə lə nzhʉ kənyʉ̀ kə Nyìngòŋ tò zhʉ vəwenə zàŋsə byɨmə nə̀ saŋlə ghə̀.

Ŋwàʼlə̀ Mak 4:18

Tətyɨm tə viʼi vətsenvə be diʼ to nə̀ kəshi a ndzoŋsə kuʼu tsu a və moʼò ngwàʼ tsu. A dìʼ vəwenə a və zhʉ kənyʉ̀ kə Nyìngòŋ

Ŋwàʼlə̀ Luk 12:10

“Nyìngòŋ lu lyèsə̀ ku no məndo yi a ghə̀ gàʼà kənyʉ̀ kə byɨkə kùmə̀ Wàyn Wìʼ, ali kò ndiʼ la ghə̀ a lyèsə̀ ku wìʼ a ghə̀ gàʼ à kənyʉ̀ kə byɨkə kumə Kəzhwì kə ŋwoʼkə.

Joyn 8:31

Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

Gàlesìyà 6:12

Viʼi vyi a və soʼ ghə̀ŋ la və shətə ə ndyə̀ ghə̀ŋ diʼ viʼi a və kəŋə ə ndiʼi əwen la vəwenə diʼ a nkayn. Vəwenə ne alə byìʼì ando vəwenə ə fwàynə̀ la vəwenə sətsen ə ziʼi la viʼi diʼ bwòŋ byìʼì əpfʉ̀ ə Klistò a kəntò, viʼi a ntsuʼ kəghʉ kə vəwenə.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

2 Timotì 4:16

A ə ndiʼ ando mà tɨmə akəshi kə nsoʼ ə gàʼ ə shi kətʉ komkə ambì kətsi, viʼi nyɨŋkə tò nyɨŋkə, no wìʼ nko faŋ ə tomsə ə mò. Mà jɨ̀mə̀ la Nyìngòŋ lyèsə ku vəwenə ando vəwenə tə nyɨŋ mòʼtə̀ mò.

Hibùlù 10:29

Kə sətsen ndiʼ mu kə ndiʼ alə̀ achʉʼ ə Mosìs, kə lu ndiʼ no ale a viʼi vyi a və chasə Wàyn Nyìngòŋ a? Kə lu ndiʼ no ale a wìʼ a ghèn a ghə̀ faŋ ke lyɨ̀ mənlyuŋ mì a Nyìngòŋ ə zhɨ̀ məkàyn ə shʉ̀ ə laynsə mbyɨsə wen a kənyʉ̀ a? Kə lu ndiʼ no ale a wìʼ a ghèn a ghə̀ telə kəzhwì kə Nyìngòŋ, a diʼ kəwenkə a kə diʼi ətyɨm ə jùŋə ghə̀ Nyìngòŋ a?

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.