Ŋwàʼlə̀ Mak 4:11 - The New Testament in the Babanki language

¹¹ Ghə̀ bwènsə̀ gàʼ à vəwenə la, “Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə a və diʼì kùmə̀ soʼ fòn Nyìngòŋ, alì və diʼi dìʼsə viʼi vətsenvə tò a ngàynsə

Ŋwàʼlə̀ Mak 4:11 Iomraidhean Croise

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 13:16

Yesò gàʼ a lì mù gàʼ à ndzɨ̀mtə̀sə bàm wen la, “Njùŋ dìʼ a ghə̀ŋ byìʼàndo ghə̀ŋ kìʼ ashɨ əyen shi be kìʼ tiʼitiʼi əzhʉ kɨ nyʉ̀ vyi a və gàʼà lì.

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Ŋwàʼlə̀ Mak 3:23

Yesò mù dzàŋ vəwenə ə̀ mò ngàynsə sətsensə à vəwenə la, “Satan lè zì ghə̀ ndzɨ̀mə̀ shìsə̀ tò Satan fà viʼi a wèn ale?”

Ŋwàʼlə̀ Mak 4:10

Nòyn yi nè gə̀sə̀ fa mbyɨ̀ Yesò ghə̀ faŋ tò wenə̀ viʼi ntɨm wen vi njʉ̀sə̀bò bènə̀ ndzɨ̀mtə̀sə bàm wen sətsensə. Vəwenə mù bèm à wen la ngàynsə ashìsə gàʼà la ghò lo.

Ŋwàʼlə̀ Mak 4:2

Ghə̀ dìʼsə̀ vəwenə no nə̀ nyʉ̀ ghoʼvə tò a ngàynsə. Ghə̀ gàʼ à vəwenə à wen a ziʼi la,

Ŋwàʼlə̀ Luk 8:10

Yesò bwènsə̀ la, “Nyìngòŋ kuli tof à ghə̀ŋ la ghə̀ŋ nzhʉ be kɨ nyʉ̀ lyomtəvə vyi a və diʼì kùmə̀ soʼ fòyn Nyìngòŋ, alì a viʼi vətsen və, mà gàʼà tò ngàynsə ndi vəwenə nki shi alì kò vəwenə lə yenə kəfo, bè zhʉ nyʉ̀ kò vəwenə lə kɨ la və gàʼà la ghò lo.

1 Kolìntyàns 4:7

A gàʼ ndò a wù la wù chò viʼi vətsenvə a? A diʼ no ghò a wù kiʼi ko andiʼ la və ku ku a wù a? Wù sətsen ə̀ kiʼ kəfo mu və kù ku, wù a ghaŋsə əwen sə və ko kù ku byìʼì gho?

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Kòlòsyàns 4:5

Ghə̀ŋ nə̀ tofə a ji yi a ghə̀ŋ tsi fa tsù ghə̀ŋ və viʼi vyi a və ko təmə byɨmə, kə ghə̀ŋ byɨbsə ə zhʉ̀ yi a ghə̀ŋ kiʼi vye vəwenə.

1 Tèsàlonyà 4:12

Ghə̀ŋ sətsen ə nè alə viʼi vi à ko diʼ viʼi və byɨməvə nə̀ gumlə ghə̀ŋ, ghə̀ŋ nə̀ zhɨ̀ to byìʼì kəzhʉʼsə ə kəŋkə̀, ko wu a nki tebè wìʼ.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.