Ŋwàʼlə̀ Mak 3:7 - The New Testament in the Babanki language

⁷ Yesò wenə̀ ndzɨ̀mtə̀sə bàm wen lù dyʉ̀ a mbyɨ̀ mo Galìlì. Viʼi dzɨ̀mtə̀ dyʉ̀ nə̀ vəwenə mu və lù fa Galìlì bènə̀ fa Judiyà.

Ŋwàʼlə̀ Mak 3:7 Iomraidhean Croise

Matìyò 10:23

Və tsuʼ kəwʉ ə kəŋ a ntə̀ʼ, ghə̀ŋ nyɨŋ ə dyʉ̀ tò a ntə̀ʼ ə kədyàŋ. Ma gaʼa a ghə̀ŋ nəmwèʼè la ghə̀ŋ ko nè mwetə ə shwèʼè ghə̀ŋ a ntə̀ʼsə Islel sə tsèm kenla Wàyn Wìʼ ə bwənə li vi.

Matìyò 12:15

Yesò nè kɨ̀ kənyʉ̀ a viʼi Falàsi mbaʼtə̀ ənè nə̀ wen, ə̀ lù fa kəshi ayì. Ngwàʼà wìʼ boʼsə wen, ghə̀ chʉʼ viʼi a və nkwaʼkə̀ fà vəwenə a ntìntìn no vətsèm,

Matìyò 12:16

ə̀ tènsə a vəwenə la kə vəwenə à shə̀ʼtə̀ kənyʉ̀ byìʼì yì a wìʼ.

Matìyò 4:25

Nòyn viʼi fʉ no ghoʼo, fa Galìlì, fʉ fa ntə̀ʼsə̀ wum, ə fʉ fa Jelusalèm, ə fʉ fa Judiyà nə̀ fa shə loʼ yi a ghə̀ ndiʼ a ndzèn mu mə Jodàn sə dzɨ̀mtə̀ Yesò.

Ŋwàʼlə̀ Mak 1:39

Ghə̀ gàʼ a lì sə jèʼè no shi tsèm a Galìlì, kwenə a aloʼ ntsèntə̀sə vəwenə gàʼà kənyʉ̀ kə Nyìngòŋ tsu, be dzɨ̀mə̀ shìsə̀ zhwì byɨvə fà viʼi a təwèn.

Ŋwàʼlə̀ Mak 1:45

Ghə̀ bòŋsə̀ dyʉ̀ sə kwe no ndo ghə̀ shə̀ʼtə̀ kənyʉ̀ akì tò shə̀ʼtə̀ à wen. Soʼgho ayì sàykə̀ a shi no tsèm, kə mù sə chò Yesò ə ghə̀ kwen a tì ntə̀ʼ ayì a dayn, ghə̀ mù sə jèʼè dyʉ̀ tò fa wenə̀ loʼ a nse zɨm. Alì viʼi be sə fʉ fa shi tsèm tò fʉ vi yenə wen tsu.

Ŋwàʼlə̀ Mak 3:20

Yesò nè bwènə̀ pfwo, viʼi bè vì zhùŋtə̀ à wen a mbyɨ̀ no vəghoʼo a ji a jì nko ndìʼ ə Yesò wenə̀ Ndzɨ̀mtə̀sə bàm wen sə zhɨ kəfo.

Ŋwàʼlə̀ Mak 4:1

Yesò bè zìtə̀ sə dìʼsə̀ viʼi a mbyɨ̀ mo Galìlì. Nòynə viʼi a və mvì a kəshi ayì ndìʼ no ghoʼo. Ghə̀ yen a lì ə̀ kwen ŋwʉʼʉ a nkànuʼ a tì à mù, viʼi a vyi tɨmə kàʼ a wèn à mù.

Ŋwàʼlə̀ Luk 23:5

Vəwenə bè sə̀mtə̀ gàʼ tò gàʼ la “Ghə̀ bosə viʼi la və dyʉ̀ a jì byɨ, a loʼ Judiyà no vətsèm, ghə̀ tə̀ zìtə̀ fa ntə̀ʼ Galìlì, luwèn ghə̀ sə̀ diʼ a shə̀.”

Ŋwàʼlə̀ Luk 6:12

Tò məntsi a ghèn Yesò kuʼ a kwi pfen kətsi kətsenkə ə tsi tsu əjɨ̀m a Nyìngòŋ əzaʼa fa tʉʼ laynə ghə̀.

Ŋwàʼlə̀ Luk 6:17

Yesò bwènə̀ shiʼi fa pfen ayì wenə vəwenə tɨmə a kəshi kə mbwaʼ boʼsə nə̀ nòyn ghoʼo ghə̀ ndzɨ̀mtə̀sə bàm wen bènə̀ tənòyn tə viʼi a tə nlu fa tə shə tə Judiyà tə tsèm, nə̀ fa Jelusalèm. Viʼi vətsevə ndiʼ tsu mu və vi fa Tayà nə̀ Sidòn, ə shiʼi boʼsə a mbyɨ amù mə ghoʼo mə.

Joyn 7:41

Vətsevə be gàʼa la, “Ghə̀ diʼ Wìʼ yi a və Ntsuʼ li.” Vətsevə be bèm tamə la, “Mu Klistò jèʼ ale ə fʉ̀ fa Galìlì a?

Joyn 7:52

Vəwenə gàʼ a wen la, “nkàyntə̀ wù lu fa Galìlì mu? Wù tuʼ ə ki a Ŋwàʼlə̀ Nyìngòŋ, a zizi wù yen la nshə̀ʼtə̀ ə ghoʼo ko lu fʉ fa Galìlì a?.”

Shwèʼ 17:10

Tʉʼ nè jɨ, viʼi vəbyɨməvə vi lyɨ̀ Bol wenə̀ Silàs ə̀ tɨm la vəwenə nyɨŋ ə̀ dyʉ̀ a ntə̀ʼ Belì byìʼì ngəʼ aghèn. Vəwenə dyʉ̀ tsu bè dyʉ̀ kwèn a ngə̀ŋ ntsèntə̀ Vəjew.

Shwèʼ 17:14

Viʼi vəbyɨməvə tɨm Bol wenə̀ viʼi vətsenvə la vəwenə shiʼi dyʉ̀ a mbyɨ̀ àmù mə ghoʼomə̀ tò a zhʉ ayì, alì Silàs wenə̀ Timotì faŋ tò a Belì.