Ŋwàʼlə̀ Mak 3:29 - The New Testament in the Babanki language

²⁹ alì mu no ndo sətsèn tè kəzhwì kə ŋwoʼəkə kò və lə̀ bè lyèsə̀ ku wen. Mu kə lì dìʼì la mbyɨ wen faŋ li à wen a kətʉ tò ghan mùʼ.”

Ŋwàʼlə̀ Mak 3:29 Iomraidhean Croise

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Matìyò 9:3

Ndìʼsə̀sə təsoʼ sə tsensə zhʉ alì mù sə gàʼà tò a vəwenə a tətyɨm la, “Wìʼ ghèn telə̀ Nyìngòŋ.”

Ŋwàʼlə̀ Mak 12:40

Vəwenə lu nkòŋə̀ əshi fo ki mpfʉ tò tsèm, bɨ̀lə̀ jɨ̀mə̀ jɨm lotəghə ndi diʼ la vəwenə diʼ viʼi və jùŋ və, Nyìngòŋ lu ku ngəʼ byɨ a vəwenə.”

Ŋwàʼlə̀ Mak 3:30

Yesò ngàʼà a lì byìʼàndo vəwenə ngàʼà la, “Ghə̀ kìʼ kəzhwì kə byɨkə.”

Ŋwàʼlə̀ Luk 12:10

“Nyìngòŋ lu lyèsə̀ ku no məndo yi a ghə̀ gàʼà kənyʉ̀ kə byɨkə kùmə̀ Wàyn Wìʼ, ali kò ndiʼ la ghə̀ a lyèsə̀ ku wìʼ a ghə̀ gàʼ à kənyʉ̀ kə byɨkə kumə Kəzhwì kə ŋwoʼkə.

2 Tèsàlonyà 1:9

Nyìngòŋ ə lu byɨbsə vəwenə ə nè vəwenə kiʼi ngəʼ yì a ghə̀ ko lu mè, ə faŋke ndiʼ tebè akəshi yi a Bobo nə̀ diʼ tsu, ko ghə̀ŋ lu yenə kədyòʼ kə kaynə kə ə wen.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.