Ŋwàʼlə̀ Mak 3:23 - The New Testament in the Babanki language

²³ Yesò mù dzàŋ vəwenə ə̀ mò ngàynsə sətsensə à vəwenə la, “Satan lè zì ghə̀ ndzɨ̀mə̀ shìsə̀ tò Satan fà viʼi a wèn ale?”

Ŋwàʼlə̀ Mak 3:23 Iomraidhean Croise

Matìyò 13:3

Ghə̀ shə̀ʼtə̀ nyʉ̀ no ghoʼo à vəwenə tò a ngàynsə. Ghə̀ zìtə̀ nə̀ ghèn la, “Wutsen nlù fʉ̀ əmoʼ ngwàʼ wen.

Matìyò 13:34

Yesò nziʼi nyʉ̀ avenə no tsèm a viʼi tò a ngàynsə, ghə̀ ko nshə̀ʼtə̀ kənyʉ̀ à vəwenə no kə mùʼ kènla ghə̀ mò a ngàyn.

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Ŋwàʼlə̀ Mak 12:1

Yesò mù zìtə̀ sə mò ngàynsə à ndzɨ̀mtə̀sə bàm wen, gàʼà la, “Wutsen nlù bòʼ sɨm ashɨ nkoʼ tsenghə a və dzàŋə̀ nə̀ glapesə wen ə̀ kwiʼ mbàyn ghə̀ nyɨŋ kàʼ sɨm ayi bè tyùŋə nkwòŋ a və a ŋwìʼì mu mə̀ ashɨ nkòʼ a mì shɨ̀tə̀ məlyʉ̀ʼ tsu bè bwòm kəshi kə ŋaŋtə kə à ntsɨ̀ŋ a ntìntìn sɨ̀m ayì mù ku sɨm ayi à viʼi la və nshyèʼè gə̀tə̀ ku wen nə̀ fo a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə no kəghaf.

Ŋwàʼlə̀ Mak 3:24

Viʼi mù yì ndiʼ viʼi loʼ mùʼ, ə nkiʼ kəngə̀sə̀ à vəwenə a ntìntìn, vətsenvə soynə vətsenvə kò loʼ ayi a fàŋ ke fəŋ.

Ŋwàʼlə̀ Mak 4:11

Ghə̀ bwènsə̀ gàʼ à vəwenə la, “Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə a və diʼì kùmə̀ soʼ fòn Nyìngòŋ, alì və diʼi dìʼsə viʼi vətsenvə tò a ngàynsə

Ŋwàʼlə̀ Mak 4:2

Ghə̀ dìʼsə̀ vəwenə no nə̀ nyʉ̀ ghoʼvə tò a ngàynsə. Ghə̀ gàʼ à vəwenə à wen a ziʼi la,