Ŋwàʼlə̀ Mak 2:8 - The New Testament in the Babanki language

⁸ Nò a zhʉ̀ kò, Yesò kɨ nyʉ̀ vyi a vəwenə nkwòʼtə̀ lì mù bèm à vəwenə la, “Ghə̀ŋ kantə̀ nyʉ̀ venə alə̀ byìʼì ghò?

Ŋwàʼlə̀ Mak 2:8 Iomraidhean Croise

Matìyò 12:15

Yesò nè kɨ̀ kənyʉ̀ a viʼi Falàsi mbaʼtə̀ ənè nə̀ wen, ə̀ lù fa kəshi ayì. Ngwàʼà wìʼ boʼsə wen, ghə̀ chʉʼ viʼi a və nkwaʼkə̀ fà vəwenə a ntìntìn no vətsèm,

Matìyò 16:7

Ndzɨ̀mtə̀sə bàm wen shìsə sə̀ bèsə̀ kənyʉ̀ akì à vəwenə a ntìntìn gàʼà la, “Ghə̀ gàʼà alə̀ byìʼàndo vəghəŋ yì lyèsə̀ əlyɨ̀ kəbayn kəməka.”

Matìyò 9:4

No zhʉ̀ kò, Yesò kɨ təkwòʼtə̀ tə vəwenə mù bèm à vəwenə la, “Ghə̀ŋ kwòʼtə nyʉ̀ byɨvə alə̀ byìʼì gho?

Ŋwàʼlə̀ Mak 2:7

“Byìʼì ghò a wìʼ ghèn gàʼà alə̀ a? Ghə̀ telə̀ Nyìngòŋ. A lè zì à maʼa ndo nyʉ̀ byɨvə ə̀ wìʼ ə chò tò Nyìngòŋ a.”

Ŋwàʼlə̀ Mak 2:9

A bwaʼmə̀ kə kò; əgàʼ à wù kənkwàʼkə̀ ghèn a? La, ‘Və maʼà li nyʉ̀ byɨvə’ wù mu əgàʼ à wen la, ‘Lù lyɨ̀ əghàm wu ə njèʼè lò’?

Ŋwàʼlə̀ Mak 7:21

Kwòʼtə̀ byɨghə fʉ̀ tò fà wìʼ a tyɨm a ghə̀ nè la ghə̀ nè ngʉ̀ʼ byɨvə, nè la ghə̀ ndzɨ̀mtə̀ ki, tsoŋə, zhwilə̀ viʼi,

Ŋwàʼlə̀ Luk 24:38

Ghə̀ gàʼ a vəwenə la “Byiʼi ghò a təkwòʼtə̀ tə ku ngəʼ a ghə̀ŋ a tətyɨm a?”

Ŋwàʼlə̀ Luk 5:22

Ando Yesò nkɨ kənyʉ̀ vəwenə nkwòʼtə̀ ghə̀ bèm a vəwenə la, “Ghə̀ŋ kayntə nyʉ̀ və ne alə̀ byiʼ gho?

Ŋwàʼlə̀ Luk 6:8

Alì ghə̀ kɨ təkwòʼtə̀ tə vəwenə ə gàʼ a wù mpfʉ kwoŋ na yì la, “Lù chò vì ə tɨmə ashɨ viʼi.” Ghə̀ lu dyʉ̀ tɨmə.

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Joyn 6:64

Ma shə̀ʼtə̀ no tèbe alə̀, ghə̀ŋ vətsenvə ko byɨmə.” Yesò ə ngàʼa ali byìʼàndo ghə̀ ə kɨ li viʼi a və ko lu byɨmə wen no fa mbì, be kɨ wìʼ yi a ghə̀ ndiʼ lu baʼlə wen.

Shwèʼ 5:3

Ananyàs ne dyʉ̀ ə̀ kù kəbyəʼ kə ko akì a lì, Bità bèm à wen la, “Wù mòʼtə̀ la Satan kwen à wù a tyɨm ə̀ nè wù zho ndzɨ̀ŋ à kəzhwì kə ŋwoʼəkə ə̀ lyòmtə̀ kəbyəʼ kə ko kì byìʼì ghò?

Shwèʼ 8:22

Kwitə lì kwòʼtə̀ byɨghə wù a ghenə ə̀ jɨ̀m à Bobo la ghə̀ lyèsə kù wù a kənyʉ̀ kə byɨkə ken a wu kwòʼtə a wù a tyɨm,

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.