Ŋwàʼlə̀ Mak 16:19 - The New Testament in the Babanki language

¹⁹ Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Ŋwàʼlə̀ Mak 16:19 Iomraidhean Croise

Ŋwàʼlə̀ Mak 16:20

Ndzɨ̀mtə̀sə bàm wen lyɨ̀ ntɨm ə jùŋə aghèn sə̀ shə̀ʼtə̀ dyʉ̀ no fe. Bobo nè nyʉ̀ kanəvə à vəwenə a ntìntìn ndìʼi nchwi la ntɨm jùŋə aghèn dìʼ nəmwèʼè. Amèyn.

Ŋwàʼlə̀ Luk 22:69

alì əlù fa luwen ədyʉ̀ nə̀ mbì, və a ŋwʉʼsə Wàyn Wìʼ a shyə kwoŋ to ghə̀ Nyìngòŋ ti a ghə̀ kiʼi adyòʼ tsèm.”

Ŋwàʼlə̀ Luk 9:51

Ando zhʉ mboʼsə və kuʼsə Yesò a kàŋ, ghə̀ ghʉ tyɨm wen əkuʼ a Jelusalèm.

Joyn 13:1

Andiʼ ando əchʉʼ ndiʼ ne layn və zhɨ̀ kətsi kə Məzaʼsə, mu Yesò sə kɨ la zhʉ̀ kʉʼʉ li la ghə̀ lu fa mbyi ashə ə dyʉ̀ a ben Tìʼ. Ghə̀ kòŋ viʼi wen vyi a və ndiʼ a mbyi, faŋ sə kòŋ vəwenə ə zàʼa ando ghə̀ moʼtə mbyi ghèn.

Joyn 16:28

Mà tə lù fa ben nə̀ Tìʼ mibu vi a mbyi, bwenə dyʉ̀ a ben nə̀ Tìʼ.”

Joyn 17:13

Luwen diʼ alə ma vi a wù, ali sə gàʼa nyʉ̀ a venə, bo diʼ to a mbyi ə nè la vəwenə kiʼi saŋlə a vəwenə a tətyɨm, ghə̀ kwʉ̀ʼ to ndə̀ŋndəŋ ando ma kiʼi.

Joyn 20:17

Yesò ə gàʼ a wen la, “kə wù ghaʼ mo byìʼì ando mà ko təmə bwenə ə dyʉ̀ a Tìʼ. Boŋsə dyʉ̀ gàʼ a vəlemə vwomə la ma bwenə dyʉ̀ ə yen Tìʼ ghom yi à be diʼ Tìʼ vəwenə, ə Nyìngòŋ ghom yi à diʼ Nyìngòŋ ə vəwenə.”

Joyn 21:15

A ndiʼ to ando vəwenə zhɨ̀ mwetə, Yesò ə toŋtə Saymun Bità ə bèm a wen la, “Saymun, wàyn ə Joyn, wù shɨtə kòŋ mò nəmwèʼè chò viʼi vətsenvə venə a?” Ghə̀ byɨmə ə gàʼ la, “Bobo, wù kɨli la ma kòŋ wù.” Yesò ə gàʼ a wen la, “Wù a zhisə vunə njɨ̀ ə mò.”

Joyn 21:22

Yesò ə bwensə gàʼ la, “Mà lə ndiʼ ə moʼtə la ghə̀ nə̀ tsi to tsì zaʼa fa kətsi mà lù bwenə vi, ngəʼ ə wù sə diʼ ghò tsu a? Wù diʼ ə dzɨ̀mtə̀ mo.”

Joyn 6:62

Ghə̀ŋ sətsen yen, Wàyn Wìʼ ghə̀ bwenə lù dyʉ̀ akàŋ, akəshi yi a ghə̀ tə ndiʼ tsu fa ambì, ghə̀ŋ a nè ghò?

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 3:21

Ghə̀ diʼi faŋ tò a kàŋ əzaʼa fa tʉʼ a zhʉ a kwʉ̀ʼ a no mə ghò a kaʼsə ndiʼ tò a mfi, à mu diʼ zhʉ yi a Nyìngòŋ ngaʼà li ə̀ chòsə̀ fà nshə̀ʼtə̀sə sə ghoʼkəsə wen fa tʉʼ mbì.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Kòlòsyàns 3:1

Ando ghə̀ŋ sə diʼ mù Nyìngòŋ ə lùsə li ghə̀ŋ və Yesò fa pfʉ amuʼ, ghə̀ŋ ghʉ tətyɨm təŋtə a nyʉ̀ yi a və diʼi akàŋ, akəshi yi a Yesò ŋwʉ̀ʼ tsu ashə kwoŋ ə toghə Nyìngòŋ.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

Hibùlù 6:20

Yesò kwen li akəshi na ghèn a ambì byìʼì vəghəŋ. Ghə̀ diʼi pfèm ə ngə̀ŋ Nyìngòŋ ə ŋaŋtə to məzhʉ̀ ə tsèm to a ji yi a Mèlìkisedèk ndiʼ fa tsù.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

Hibùlù 8:1

Kənyʉ̀ ki a yès ə lu tə sù gàʼa ə diʼ la vəghəŋ ə kiʼi pfèm ə ngə̀ŋ Nyìngòŋ ə ŋaŋtə, ghə̀ nyʉ̀ʼ a shə kwoŋ toghə Nyìngòŋ akàŋ, a ghə̀ soʼo no əfo ə tsèm.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.