Ŋwàʼlə̀ Mak 16:18 - The New Testament in the Babanki language

¹⁸ Vəwenə sətsèn ghàʼ zhusə ko zhɨ ləʼ kò kənyʉ̀ kə à nè vəwenə. Vəwenə a nghʉ avu a tʉ viʼi və kwaʼkəvə, vəwenə to.”

Ŋwàʼlə̀ Mak 16:18 Iomraidhean Croise

Ŋwàʼlə̀ Mak 5:23

sə sensə̀ wen no nànto gàʼà la, “Wàyn ghom ə wùwì kwaʼà kəŋə pfʉ. Mà sènsə wù la wù vi ghʉ̀ avu wu à wen a wèn ghə̀ to ndiʼ tò a nkàyn.”

Ŋwàʼlə̀ Luk 10:19

Ghə̀ŋ kɨ la mà kuli adyòʼ à ghə̀ŋ a ghə̀ŋ zì ghə̀ŋ tùʼlə̀ zhusə nə̀ təŋam be nku kədyòʼ la ghə̀ŋ to chò viʼi kəbàyn, ghə̀ŋ no a jisə tsèm, kò no kəfo kə a lyomsə ghə̀ŋ.

Shwèʼ 19:12

Viʼi nlyɨ̀ ndisə shyèʼ wen nə̀ basə ndisə vi a ghə̀ ntyì kəzhʉʼsə kə wen tsu, dyʉ̀ nə̀ wenəvə à viʼi və kwaʼkəvə, və nè vəwenə to, zhwì byɨvə be fʉ̀kə̀ fà vəwenə a təwèn.

Shwèʼ 3:12

Bità nè yèn a lì, mù bèm à viʼi a vyi la, “Viʼi Islel! Byìʼì ghò a ghə̀ŋ diʼì nə̀ kanə kùmə̀ kənyʉ̀ kènkə a? Byìʼì ghò a ghə̀ŋ ə tyùŋə ashɨ à yès a wèn sə à nè yès nə̀ kədyòʼ kə ngə̀ŋ ə̀ yès a? Ghə̀ŋ kwoʼtə la yès nè we kèn fa mbo yès ə fàynə̀ Nyìngòŋ no akàyn mu?

Shwèʼ 3:16

A dìʼ kədyòʼ kì a kə diʼì a zhiʼ Yesò a kə ne la wù kənkwàʼkə̀ ghèn a ghə̀ŋ ə yenə be kɨ lə̀ to. A dìʼi byɨmə à Yesò a ghə̀ ku wen ə̀ toghə wen ghenə no tsèm a shɨ ghə̀ŋ vətsèm.

Shwèʼ 4:10

Ghə̀ŋ nə̀ viʼi Islel no vətsèm diʼi ə kɨ la wìʼ ghèn a ghə̀ ti à ghə̀ŋ a shɨ lə̀ to tò byìʼì kədyòʼ kə zhiʼ Yesò Klistò ə wù Nazalèt. Yesò Klistò aghèn dìʼ wìʼ yì a ghə̀ŋ tə bàyntə a kəntò, ghə̀ pfʉ alì Nyìngòŋ lùsə̀ wen fa pfʉ.

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Shwèʼ 9:34

Bità gàʼ à wen la, “Enyàs, Yesò Klistò nè li la wù to tò luwèn. Lu shɨ̀tə̀ əkwen wù.” No a zhʉ̀ kò Enyàs lù.

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

1 Kolìntyàns 12:9

Kəzhwì na kènkə kəmùʼ kə ne dyʉ̀ a wutsen, kə nè la əbyɨmə ə wenə ntotə̀, kə sə dyʉ̀ a wutsen, kə ku kədyòʼ la ghə̀ nchʉʼʉ təkwaʼa tə viʼi.