Ŋwàʼlə̀ Mak 16:17 - The New Testament in the Babanki language

¹⁷ Viʼi vi a və byɨmə, Nyìngòŋ à kù àdyoʼ à vəwenə la vəwenə ndìʼì nchwi, nè nyʉ̀ kanəvə dzɨ̀mə̀ shìsə̀ zhwì byɨvə, be gàʼà təgàʼ a vəwenə nko təmə̀ gàʼ.

Ŋwàʼlə̀ Mak 16:17 Iomraidhean Croise

Ŋwàʼlə̀ Mak 9:38

Joyn gàʼ à Yesò la, “Ndìʼsə̀, yès tə yèn wìʼ ghə̀ dzɨ̀mə̀ shìsə̀ zhwì byɨvə a wù a zhiʼ, yès gàʼ la kə ghə̀ be à mwòm byìʼàndo ghə̀ ko diʼ wù muʼ fa vəghəŋ a ntìntìn.”

Ŋwàʼlə̀ Luk 10:17

Viʼi vyi njʉ̀sə̀bò a məwum sòmbo njèʼè dyʉ̀ ə bwènə̀ pfwo nə̀ saŋlə ghə̀ mù gàʼ à Yesò la,“Bobo, tè zhwì byɨvə tə nzhʉ fà yès ando yès tə kənkə̀ vəwenə à wù a zhiʼ.”

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Shwèʼ 10:46

byìʼàndo Vəjew avenə nzhʉ li ando viʼi tɨm a vyi ngàʼà təgàʼ tə loʼ kədyàŋ, ghoʼsə̀ Nyìngòŋ byìʼì nyʉ̀ kanəvə vi a ghə̀ nè. Bità mù gàʼ la,

Shwèʼ 16:18

Ghə̀ faŋ sə gàʼà tò alə̀ no mətsi nshə̀ʼ alə̀ tin Bol zìtə̀ əfwi. Bol gàʼ à kəzhwì kə byɨkə akì la, “Ma kàynə à wù a kədyòʼ Yesò Klistò la wù cho fʉ̀ fà wen a wèn.” Kəzhwì kə byɨkə akì fʉ̀ fà wen wèn tò a zhʉ ayì.

Shwèʼ 19:6

Bol mù ghʉ avu wen a vəwenə a tʉ, Kəzhwì kə ŋwòʼəkə mù vì à vəwenə, vəwenə zìtə̀ sə gàʼà təgàʼ tə kədyàŋ, be shə̀ʼtə̀ nyʉ̀ mu və lù fà Nyìngòŋ.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Shwèʼ 5:16

Viʼi no vəghoʼo fʉ̀ ə̀ vì fa ntə̀ʼsə shì a sə mboʼsə̀ a Jelusalèm nə̀ viʼi vəkwaʼkəvə vəwenə bènə̀ viʼi vi a zhwì byɨvə nku ngəʼ à vəwenə və chʉʼ vəwenə no vətsèm.

Shwèʼ 8:7

Andìʼ a lì, viʼi vəghoʼo və tsu kiʼi zhwì byɨvə. Filib dzɨ̀m ə̀ shìsə̀ zhwì byɨvə a vyi, no tə kəkò kə sə fʉ̀ dì no a gɨ to. Viʼi kənkwaʼkə bènə̀ vənlaʼfwen bè tokə.

1 Kolìntyàns 12:10

Kəzhwì na kèn to kə mùʼ nə̀ dyʉ̀ a wu ə tsen, kə ne la ghə̀ nshwèʼè təshwèʼ tə kaynətə, ə dyʉ̀ a wutsen, kə ku kədyòʼ la ghə̀ nshə̀ʼtə̀ nyʉ̀ mu və lù fa Nyìngòŋ. Kə dyʉ̀ a wu ə tsen, kə nè la ghə̀ nkɨ nəkwoŋ yì a ghə̀ diʼ a ntìntìn nyʉ̀ yi a və lù fa Kəzhwì kə Ŋwoʼkə nə̀ vyi a və lù fa zhwì ə tsevə. Kəzhwì na kì ne sə dyʉ̀ a wutsen, kə ne la ghə̀ ə nkɨ ə gàʼ təgàʼ ko andiʼ la ghə̀ ziʼi fa wìʼ, ə dyʉ̀ a wìʼ ə tsen, kə ne la ghə̀ ə nzhʉ kɨ təgàʼ a titə, shə̀ʼtə̀ kənyʉ̀ ki a tə gàʼà titə gàʼà.

1 Kolìntyàns 12:28

A diʼ a ngə̀ŋ Nyìngòŋ mu Nyìngòŋ ə gə̀sə̀ li viʼi ə ghʉ̀ a tə chʉ̀ tə shwèʼ to tənkì a tənkì. Ghə̀ ghʉ̀ li viʼi ambì, a diʼ viʼi ntɨm, ə kùmtə nə̀ nshə̀ʼtə̀sə. Fa yi abàm ghə̀ ghʉ̀ ndìʼsə̀sə ə be ghʉ̀ viʼi vyi a və ne nyʉ̀ ə kaynəvə ə ghʉ̀ vətsevə la və nə̀ chʉʼʉ viʼi nə̀ viʼi a və gyàmtə̀ viʼi vətsenvə. Ghə̀ ghʉ̀ li viʼi la və ə̀ tisə viʼi ə ghʉ̀ vətsevə la və nkɨ təgaʼ tə tsentə, ko andiʼ la à ziʼi wìʼ ə ziʼi vəwenə tsu.

1 Kolìntyàns 12:30

A ko kiʼ viʼi və tsèm kiʼ kəku ə nchʉʼʉ viʼi. Ko a kiʼ viʼi və tsèm kiʼ kəku ə ngàʼà təgaʼ ko andiʼ la à ziʼi wìʼ a vəwenə, ko a kiʼi viʼi və tsèm kiʼ kəku ə kɨ nyʉ̀ vyi a və gàʼà a təgàʼ na ghèn.

1 Kolìntyàns 13:1

Mà sətsen ə nkɨ ə gàʼ təgàʼ tə viʼi to a tənkì a tənkì nə̀ tə gàʼà tə ətsɨŋsə Nyìngòŋ, alì ko andiʼ la ma kiʼi əkòŋ, a mà na nyaŋlə to tiʼitiʼi ə viʼi to nə̀ ngèm azhʉ̀ a və kumə buʼtə to buʼtə.

1 Kolìntyàns 14:2

Wìʼ yi a ghə̀ gàʼà təgaʼ tə tsentə ko ndiʼ la à ziʼi wìʼ a wen ko gàʼà a viʼi, ghə̀ boŋsə gàʼà a Nyìngòŋ byìʼì ando ghə̀ gàʼà nyʉ̀ ə lyomtəvə a kədyòʼ kə Kəzhwì, ko wìʼ lu zhʉ kɨ kənyʉ̀ kì a ghə̀ gàʼà.