Ŋwàʼlə̀ Mak 16:1 - The New Testament in the Babanki language

¹ Andìʼ ando kətsi kə zhʉ̀təkə nchò li, Mèli wù Magdala, Salomè bènə̀ Mèli Lì Jems zen njʉ̀sə̀ əzuʼ ə wen ədyʉ̀ əzuʼ kəmpfʉ kə Yesò tsu.

Ŋwàʼlə̀ Mak 16:1 Iomraidhean Croise

Ŋwàʼlə̀ Mak 14:3

Yesò lù dyʉ̀ a Betanì sə̀ diʼ a ngə̀ŋ wìʼ a və ndzàŋə̀ nə̀ Simon a ghə̀ nsə̀ diʼ mu ghə̀ kwaʼa li nə̀ kənsòtə̀ kə. Ghə̀ nè ŋwʉʼʉ sə nzhɨ, wùwì tsen vì kwen a ngə̀ŋ ayì nə̀ fəshoʼ fə mənzhiʼ mu və shɨ̀tə̀ nə̀ ngùʼ tsen a və dzàŋə̀ nə̀ alàbàstà. Mənzhiʼ mə ko toghə mə nlèmtəmə̀ mə ntsenə̀ diʼ tsu mu və shɨ̀tə̀ nə̀ nald. Ghə̀ bòʼ fəshoʼ afì ə̀ shʉ̀ʼtə̀ mənzhiʼ a mì a kətʉ Yesò.

Ŋwàʼlə̀ Mak 14:8

Wùwì aghèn nè tò kənyʉ̀ kì a ghə̀ zì ghə̀ ne. Ghə̀ shʉ̀ʼtə̀ li mənzhiʼ à mò a wèn əshɨ̀tə̀ ghə̀ kwʉʼ mibu zhʉ məbvɨ̀mə̀ nè sə kwʉ̀ʼ

Ŋwàʼlə̀ Mak 15:40

Ki vətsenvə mbe ti no kəghaf yenə nyʉ̀ tsèm a və nchò. A ntìntìn ki avenə, à ndìʼ, Mèli wù Magdala, Mèli lì Jems tyetə wen ə Josèf bènə̀ Salomè.

Ŋwàʼlə̀ Mak 15:42

A sə ndiʼ a kəlyɨŋ kə zhʉ mpfwomə a tʉʼ ndiʼi layn a ndiʼ kətsi kə zhʉtəkə, Josèf wù Alimàtya, kwiʼi tyɨm dyʉ̀ gàʼ à Bilate la yì kəŋ əlyɨ̀ kəmpfʉ kə Yesò ə dyʉ̀ bvɨ̀mə̀. Ghə̀ ndiʼ wìʼ a və ngumlə̀ a tì ntsèntə̀ viʼi ku təsoʼ. Ghə̀ nkə̀ʼtə̀ soʼ foyn Nyìngòŋ.

Ŋwàʼlə̀ Mak 15:47

Mèli wù Magdala nə̀ Mèli lì Josèf yen kəshi a və mbvɨ̀mə̀ Yesò tsu.

Ŋwàʼlə̀ Mak 16:2

Tʉʼ lan a mbì kətsi a tì ngàm, tò a chʉzhʉ saʼaghə, vəwenə fʉ̀ dyʉ̀ a chʉ̀ sè Yesò.

Ŋwàʼlə̀ Mak 16:8

Vəwenə fʉ̀ fa sè ayì a kənyɨŋ, tsɨŋtə̀ kò vəwenə lù nshə̀ʼtə̀ kənyʉ̀ à wìʼ byìʼàndo vəwenə mfànə̀.

Ŋwàʼlə̀ Luk 23:54

A ndiʼ kətsi a tʉʼ ndiʼ layn à ndiʼ kətsi kəzhʉtə kə.

Ŋwàʼlə̀ Luk 23:56

Vəwenə mù bwènə̀ dyʉ̀ ə̀ shɨtə̀ njʉ̀sə̀ bènə̀ məzhiʼì əzuʼ a wèn Yesò. A sə ndiʼ kətsi kəzhʉtəkə, vəwenə zhʉtə̀ ando soʼo ndiʼì.

Ŋwàʼlə̀ Luk 24:1

A ndiʼ a mbì kətsi a tì ngàm fi a ti boʼo ngə̀ŋ vəwenə lyɨ məzhiʼ məzuʼmə myì a mə lemtə a kayn a vəwenə tə shɨtə li ə dyʉ̀ a sè Yesò.

Joyn 19:25

Və bàyntə Yesò, lì wen wenə və lèmə̀ və lì wen ə wùwì ə tsen, boʼsə nə̀ Mèli ə wùwì Kɨ̀lobàs nə̀ Mèli Màtalà ə dyʉ̀ tɨmə boʼsə to a ben kəntò wen.

Joyn 19:31

A ndiʼ ali, və baʼtə̀ la əchʉʼ a layn və zhɨ̀ kətsi kə əchʉʼ lòʼ kə tsèn, kə diʼ nə̀ nəkwoŋ. Viʼi Jus ko kòŋ la və ghʉ̀ kəmpfʉ kə viʼi vyi, əchʉʼ ə layn və zhʉsə kətsi kə əchʉʼ loʼ, ə mu gàʼ a Balèt la ghə̀ gàʼ və kwaʼtə afuwen a vyi ə shiʼsə ə mpfʉ vəwenə fa kəntò.