Ŋwàʼlə̀ Mak 14:58 - The New Testament in the Babanki language

⁵⁸ “Yès tə nzhʉ ando ghə̀ gàʼà la, ‘Ma bə̀ytə̀ ngə̀ŋ Nyìngòŋ ghèn a və bwomə̀ nə̀ avu ə bwènsə̀ bwom ghə̀ kədyàŋ tò a mətsi ntaʼ kèn la à bè dìʼ nə̀ avu.’”

Ŋwàʼlə̀ Mak 14:58 Iomraidhean Croise

Matìyò 26:61

mù gàʼ la, “Wìʼ ghèn tə̀ gàʼ la yì zì yì bətə ngə̀ŋ Nyìngòŋ ə̀ bwènsə̀ bwòm tò a mətsi ntaʼ.”

Ŋwàʼlə̀ Mak 14:57

Viʼi vətsenvə mù bè zhò ndzɨ̀ŋsə kùmə̀ wen gàʼà la,

Ŋwàʼlə̀ Mak 14:59

Tè nkàntə̀ vəwenə nzì kò vəwenə lù nè gaʼa vəwenə kəŋmə.

Ŋwàʼlə̀ Mak 15:29

Viʼi mù sə chò fa ji nə̀ʼə̀ tʉ vəwenə telə̀ wen gàʼà la, “Gaʼa kò wù tə gàʼ la wu a bə̀ytə ngə̀ŋ Nyìngòŋ ə bwènsə̀ bwom a mətsi ntaʼ.

Joyn 2:19

Yesò ə bwènsə̀ a vəwenə la, “Ghə̀ŋ bɨtə ngə̀ŋ Nyìngòŋ ghèn, ma zizi mà bwènsə̀ bwòm to a mətsi ə ntàʼ.”

Shwèʼ 7:48

“Nyìngòŋ yì a ghə̀ ŋaŋtə li Nkwʉʼ, ko tsi a aloʼ mu à bwòm viʼi. Nshə̀ʼtə̀ ghoʼo nlù shə̀ʼtə̀ la Nyìngòŋ gàʼ la:

2 Kolìntyàns 5:1

Vəghəŋ kɨ la və sətsen ə byɨbsə fəngə̀ŋ fə kətsoʼ kə wèn fenfə a kəzhwì kə vəghəŋ kə tsì tsu a nse ashə lə̀, Nyìngòŋ a ku ngə̀ŋ kəzhwì a vəghəŋ akàŋ ko ndiʼ la və bwom nə̀ avu, ghə̀ diʼ ə tsì ə faŋ.

Hibùlù 9:11

Alì Yesò sə diʼ mù ghə̀ vi li. Ghə̀ diʼi pfèm ngə̀ŋ Nyìngòŋ ə ŋaŋtə yì a ghə̀ vi nə̀ nyʉ̀ ə jùŋə və vyi a vəghəŋ ə kiʼi luwen. Ghə̀ shwèʼè akəshi kə kwʉ̀ʼ, kuʼmə chò fəngə̀ŋ fifə a pfèm ə ngə̀ŋ Nyìngòŋ ə shwèʼè tsu. Kəshi na kì kə ə diʼ ko andiʼ la à shɨtə wìʼ, a ko diʼ no tèbe kəfo kə nse ashə.

Hibùlù 9:24

Yesò nko ə kwen a kəshi kə ŋwoʼkə mu à bwòm viʼi. Ngə̀ŋ yì a bwomə viʼi ə ndiʼ to kədèmdèm kə ngə̀ŋ Nyìngòŋ a yì akàŋ. Yesò nkwen to no akàŋ a ben ə Nyìngòŋ, luwen sə diʼ ghə̀ sensə Nyìngòŋ a vəghəŋ akəshi.