Ŋwàʼlə̀ Mak 14:49 - The New Testament in the Babanki language

⁴⁹ Gaʼa kò mà tə nzhʉsə̀ tò vəghəŋ a ngə̀ŋ Nyìngòŋ ziʼi tsu no mətsi tsèm, alì kò ghə̀ŋ lu nghaʼa mò. No tè a lì, kənyʉ̀ à və nyòʼò li a ŋwàʼlə̀ Nyìngòŋ diʼi kwʉ̀ʼ.”

Ŋwàʼlə̀ Mak 14:49 Iomraidhean Croise

Matìyò 1:22

Nyʉ̀ venə nlyɨ̀ kəshi ndìʼ nè la kənyʉ̀ a Nyìngòŋ ngaʼà ə chòsə̀ fà nshə̀ʼtə̀ wen və lyɨ̀ kəshi la,

Matìyò 26:54

Mà sətsèn mù nè a lì mu kənyʉ̀ kì a və ə̀ nyòʼò li a ŋwàʼlə̀ Nyìngòŋ byìʼì mò ko a lyɨ kəshi.”

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Matìyò 26:56

Nyʉ̀ venə diʼi fʉ̀ alə̀ ndi nè la nyʉ̀ vyi a Nyìngòŋ ngaʼà chòsə̀ fà nshə̀ʼtə̀sə wen la və lyɨ kəshi.” No a zhʉ̀ kò ndzɨ̀mtə̀sə bàm wen sə nyɨŋkə no sə tsèm mòʼtə̀ wen.

Ŋwàʼlə̀ Mak 10:1

Yesò lù fa Kabanùm ayì ə təmə̀ dyʉ̀ a shyə Judiyà a ndzèn mù mə Jodàn. Nòyn viʼi bè vì tò vi à wen, ghə̀ sə ziʼi vəwenə ando ghə̀ nziʼi.

Ŋwàʼlə̀ Mak 11:27

Yesò wenə ndzɨ̀mtə̀sə bàm wen bè bwènə̀ dyʉ̀ a Jelusalèm. Ghə̀ nè sə njèʼè fa tì ngə̀ŋ Nyìngòŋ, tʉtʉ vəpfèm və ngə̀ŋ Nyìngòŋ nə̀ ndìʼsə̀sə təsòʼ bènə̀ vəchəʼ və loʼ vì bèm à wen la,

Ŋwàʼlə̀ Mak 12:35

Yesò nè sə ndìʼsə̀ a ngə̀ŋ Nyìngòŋ ghoʼo ə̀ bèm la, “Byìʼì ghò a ndìʼsə̀sə təsoʼ ə̀ gàʼà la Klistò dìʼ wàyn Devìt a?”

Ŋwàʼlə̀ Mak 14:48

Yesò mù bèm à vəwenə la, “Ghə̀ŋ fʉ̀ sə vì nə̀ nyisə bènə̀ mbàŋsə əghaʼ mo tò sə mà dìʼ tsoŋ ale?

Ŋwàʼlə̀ Mak 14:50

Ndzɨ̀mtə̀sə bàm wen sə nyɨŋkə no sətsèm ə mòʼtə̀ wen tò wen nyɨŋ,

Ŋwàʼlə̀ Luk 19:47

Yesò zìtə̀ mù sə zhʉsə ziʼi a ngə̀ŋ Nyìngòŋ tò mətsi tsèm. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ bènə̀ vəchəʼ və loʼ mù sə kəŋ jì əzhwi wen,

Ŋwàʼlə̀ Luk 22:37

Ma gàʼ à ghə̀ŋ alə̀ la kənyʉ̀ a və nyoʼo li a ŋwàʼlə̀ Nyìngòŋ la ‘Və nghʉ wen a kənyʉ̀ kə mùʼ wenə̀ viʼi nè nyʉ̀ byɨvə.’ Diʼi lyɨ̀ kəshi a mò luwèn, byìʼì la nyʉ̀ tsèm a və nyoʼo byìʼì mò sə̀ lyɨ̀ kəshi luwèn.”

Joyn 10:23

Yesò ə sə jèʼtə̀ chò fa kətò ə Sòlomùyn, a kəbəŋ kə ngə̀ŋ Nyìngòŋ,

Joyn 18:20

Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.

Joyn 7:37

A sə ndiʼ a kətsi kəzhɨ kə mwetə kə, andiʼ no kətsi kə kəzhɨ kə ghoʼo kə, Yesò ə lu tɨmə ə dzàŋ a gɨ̀ to ə gàʼ la, “Ətoŋ à mu ə zɨmə no ndo ghə̀ vi a mò a mà ku mu ghə̀ nyʉ̀.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

Joyn 8:2

Ətʉʼ ə be ne sə laynə mu ghə̀ sə be diʼ a kəbəŋ kə ngə̀ŋ Nyìngòŋ, viʼi vì ŋwʉʼtə ə kaʼsə a wen a ben, ghə̀ shiʼi nyʉ̀ʼmə ə sə ziʼi vəwenə.