Ŋwàʼlə̀ Mak 14:36 - The New Testament in the Babanki language

³⁶ Mù jɨ̀m la, “Bàba,Tìʼ ghòm, kənyʉ̀ kə zì ko kə lù chò wù. Shi ndoŋ ngəʼ ghèn fà mò a kəvu, alì ne tò kənyʉ̀ a wù kòŋə̀.”

Ŋwàʼlə̀ Mak 14:36 Iomraidhean Croise

Matìyò 26:39

Ghə̀ kwentə dyʉ̀tə̀ a mbì nyòŋmə̀ dyʉ̀ a nse apfʉ̀ʼapfʉʼ mù sə̀ jɨ̀mə̀ gàʼà la, “Tìʼ ghom, jì sətsèn ndiʼ wu shi ndoŋ ngəʼ ghèn fà mò alì ne tò kənyʉ̀ a kə kwʉʼʉ̀ à wù kə a nè kənyʉ̀ a kòŋə̀ mò.”

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Matìyò 6:9

Ghə̀ŋ sə ə jɨ̀m, ghə̀ŋ ə̀ jɨ̀mə a jì ghèn alə̀ la: ‘Tìʼ yes a wù diʼ a kàŋ, ne viʼi ə kuʼsə zhiʼ ə wu,

Ŋwàʼlə̀ Mak 10:27

Yesò ki vəwenə tò fəchìʼ mù gàʼ à vəwenə la, “kənyʉ̀ a kènkə to ghoʼo tò viʼi alì kò kə lə nto chò Nyìngòŋ byìʼàndo nyʉ̀ tsèm bwaʼmə̀ à Nyìngòŋ.”

Ŋwàʼlə̀ Mak 10:39

Vəwenə byɨmə. Yesò gàʼ à vəwenə la,“Nəmwèʼè, ghə̀ŋ ne yen ngəʼ a mà dìʼi ne yen be pfʉ,

Ŋwàʼlə̀ Mak 14:37

Ghə̀ jɨ̀m mwètə̀ sə bwènə̀ ə dyʉ̀ mu ndzɨ̀mtə̀sə bàm wen shì sətaʼ sə bʉnə̀ li. Ghə̀ bèm à Bità la, Simon, ghə̀ŋ ə bʉnə̀ bʉnə̀ à? Ghə̀ŋ bè yì zi kò ghə̀ŋ lù ŋwʉʼʉ ə̀ mbvʉ̀tə̀ tò a fəshinə fə zhʉ alə̀.

Joyn 12:27

Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn.

Joyn 18:11

Yesò ə gàʼ a Bità la, “Bwensə wè nyì ə wù a yi kwʉ. Wù kwòʼə la ma ko kòŋ ə yenə ngəʼ a ji yi a Tìʼ ghom ghʉ̀ la mà yen fa tsù mu?”

Joyn 4:34

Yesò ə gàʼ vəwenə la, “ə fozhɨvə ə mò ə diʼ tò la ma ə ne shwèʼè yì a Nyìngòŋ a ghə̀ tɨmə mo ə kòŋ, ə ne ə mwètə̀ shwèʼè a ghenə.

Joyn 5:30

“Kənyʉ̀ kə tsenkə ko diʼ a mà zizi a mà nè a mo kədyòʼ. Ma soʼo to ji yì a Nyìngòŋ ə gàʼ la mà ə soʼo fa tsù. Kə diʼi la ma soʼo to no fwu byìʼàndo ma ko kəŋ ə nè kənyʉ̀ kì a ma kòŋ, ali nè to kì a wìʼ yi a ghə̀ tɨmə mo kəŋ la ma nè.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Filìbàyns 2:8

Ghə̀ mbè shiʼsə wen ə wen a nse ə̀ byɨmə ə pfʉ ə pfʉ byɨghə a kəntò.

2 Timotì 2:13

Vəghəŋ sətsen bwìn dzèm à wen, ko ghə̀ lu bwìn dzèm a vəghəŋ, byìʼì ando ghə̀ zi ko ghə̀ lu tyen ə wenə wen.”

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.