Ŋwàʼlə̀ Mak 14:18 - The New Testament in the Babanki language

¹⁸ Vəwenə nè ŋwʉʼʉ a məzhɨ, Yesò gàʼà vəwenə la, “Mà gàʼà à ghə̀ŋ nəmwèʼè la, wìʼ muʼ dìʼ à ghə̀ŋ a ntìntìn a ghə̀ ne baʼlə mo, yo wen ə zhɨ tò a muʼu.”

Ŋwàʼlə̀ Mak 14:18 Iomraidhean Croise

Matìyò 26:21

Və sə nzhɨ ghə̀ gàʼ à vəwenə la, “Mà gàʼà à ghə̀ŋ nəmwèʼè la wìʼ muʼ fà ghə̀ŋ a ntìntìn diʼi ne baʼlə mo.”

Matìyò 5:18

Mà gàʼ à ghə̀ŋ nəmwèʼè la kaŋ wenə nsè lu sə mè kenla wìʼ a tsəʼsə tè fənyʉ̀tə̀ fa tyì soʼ ayì. Ghə̀ ko lù chò əzaʼa fa tʉʼ a nyʉ̀ a venə no tsèm lu kwʉ̀ʼ.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:2

“Kə diʼi la, à sətsèn wù ku kəfo a wìʼ a ghə̀ ko kiʼi, kə wù lyɨ kənyʉ̀ kì, njèʼè shə̀ʼtə̀. Viʼi vyì a və wamə wamə ne ənyʉ̀ ə ne və sə jèʼè shə̀ʼtə̀ tò ali nfosə ji nə̀ aloʼ ntsèntə̀sə ndi viʼi ə bwomsə vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kɨ li mwetə əmòʼtə ə vəwenə.

Matìyò 6:5

“Ghə̀ŋ nə̀ sə jɨ̀m, kə ghə̀ŋ ə wamə ne a diʼ viʼi vətsenəvə. Vəwenə ə kòŋ ə nlù ə tɨmə a aloʼ ntsèntə̀sə jɨ̀mə̀, bè jèʼè jɨ̀mə̀ a mbyɨ̀sə jì sə, kəŋ la viʼi ə̀ nchò yen vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Ŋwàʼlə̀ Mak 10:15

Mà gàʼà à ghə̀ŋ nəmwèʼè la, no ndò a ghə̀ fàŋ ke byɨmə fòyn Nyìngòŋ a nə̀ wàyn bwaʼ, kò ghə̀ lə̀ kwèn a fòyn Nyìngòŋ ayì.”

Ŋwàʼlə̀ Mak 10:29

Yesò gàʼ à vəwenə la, “Mà gàʼà à ghə̀ŋ nəmwèʼè la wìʼ ko diʼ a ghə̀ moʼtə̀ kəbəŋ kə wen, ko vəlèmə̀ vəwen ko vəlèmə̀ və wen ki, ko lì wen, ko tìʼ wen, ko təsɨm təwen, ko vunə wen, byìʼì mò bènə̀ ntɨm ə jùŋ,

Ŋwàʼlə̀ Mak 14:17

A nè sə ndiʼ a kəlyɨŋ kə mpfwomə, Yesò vì wenə̀ ndzɨ̀mtə̀sə bàm wen shì njʉ̀sə̀bò kwèn tsu.

Ŋwàʼlə̀ Mak 14:19

Ando ghə̀ ngaʼà a lì, kənyʉ̀ akì sə̀ ku ngəʼ a vəwenə. Vəwenə mù sə bèmə̀ à wen tò mùʼ mùʼ la, “A dìʼ mo mu?”

Ŋwàʼlə̀ Mak 14:25

Mà gàʼà à ghə̀ŋ nəmwèʼè la, mà ko lu be nyʉ məlyʉ̀ʼ mèn əzaʼa fa kətsi kì a mà lu nyʉ a kəshi kə fòn Nyìngòŋ.”

Ŋwàʼlə̀ Mak 14:9

Mà gàʼà à ghə̀ŋ nəmwèʼè la no tè fe a tì mbi a və lu nshyə̀ʼtə̀ ntɨm jùŋ ghèn, və lu mboŋə shə̀ʼtə̀ kənyʉ̀ kèn a wùwì ghèn ne lə̀ ndiʼ viʼi nkwòʼtə̀ wen.”

Ŋwàʼlə̀ Mak 3:28

“Mà gàʼà à ghə̀ŋ nəmwèʼè la àdìʼ tè mbyɨ kò a viʼi nè mu Nyìngòŋ zì ghə̀ maʼa bè màʼà no tè mbàʼ ko a vəwenə te wen tsu,

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Ŋwàʼlə̀ Mak 8:12

Yesò dèmkə̀ ə̀ shom mù bèm la, “Byìʼì ghò a viʼi kəlyɨŋ kə luwèn kəŋ yen kəchwitə fà Nyìngòŋ a? Mà gàʼà à ghə̀ŋ nəmwèʼè la, ghə̀ŋ ko a yen kəchwitə.”

Ŋwàʼlə̀ Mak 9:1

Yesò bè gàʼ à viʼi a vyi la, “Mà gàʼà à ghə̀ŋ nəmwèʼè la, viʼi vətsenvə ti a shə̀ luwèn a vəwenə ko lu pfʉ no a mpfen əzaʼa fa tʉʼ a vəwenə a yen ando Nyìngòŋ soʼo foynə wen nə̀ kədyoʼkə.”

Ŋwàʼlə̀ Mak 9:41

Mà gàʼà à ghə̀ŋ nəmwèʼè la no ndò a ghə̀ ku ndoŋ à mù à ghə̀ŋ la ghə̀ŋ nyʉ byìʼàndo ghə̀ŋ dzɨ̀mtə̀ mò zì kò ghə̀ lù faŋ ke kiʼi moʼtə wen.”

Ŋwàʼlə̀ Luk 11:51

ə zìtə̀ fa Abèl əkuʼ zaʼa à Zakaliya a və nlù zhwi vəwenə əlù fa kəshi kə ŋwòʼəkə əzaʼa kəbaŋ kə kəku a ngə̀ŋ Nyìngòŋ. Ma gàʼ à ghə̀ŋ nəmwèʼè la kəlyɨŋ kènkə lə shə̀ʼtə̀ chʉ vəwenə byìʼì viʼi a venə no vətsèm.

Ŋwàʼlə̀ Luk 22:21

Ghə̀ŋ zhʉtə a, wìʼ a ghə̀ baʼlə mo, zhɨ yo wen a kəshi a shə̀.

Ŋwàʼlə̀ Luk 4:24

Ghə̀ mù gàʼ la “Ma gàʼà nəmwèʼè à ghə̀ŋ la və kò lə nshisə nshə̀ʼtə̀ Nyìngòŋ a kəshi a ghə̀ fʉ̀ fa tsu.

Joyn 1:51

Ghə̀ gàʼ ali ə be gàʼ kwʉ̀ʼsə la, “Ma gaʼa a ghə̀ŋ to no nəmwèʼè la, Ghə̀ŋ lu yen to ando əkaŋ ə boʼmə̀, ətsɨŋsə ngə̀ŋ Nyìngòŋ sə chwòmə̀ kuʼ be shiʼi, jèʼè to a ntɨm ə Wàyn Wìʼ”

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Joyn 13:21

Yesò ə ngàʼa nyʉ̀ avenə alə kwòʼtə̀ ə wenə sə ku ngəʼ a wen no nànto. Ghə̀ mu gàʼ ə làynsə la, “Ma gaʼa a ghə̀ŋ no nəmwèʼè la wìʼ ə mùʼ fa ghə̀ŋ a ntìntìn ne ə baʼlə mo.”

Joyn 13:22

Ndzɨ̀mtə̀sə bàm wensə sədiʼ nə̀ əkaynə ə, mu sə ki mu kaynə la ghə̀ gàʼa kumə ndò lo.

Joyn 13:38

Yesò ə bèm la, “wù le zi wu ə pfʉ̀ byìʼì mò a? Ma gaʼa a wù no nəmwèʼè la ə nkəʼ ne sə toŋ layn, mu wù mo li mò aghayn a tàʼ.”

Joyn 21:18

Ma gàʼà a wù to no nəmwèʼè la, a ndiʼ to ando wù bo diʼ wàyndyə, wù lafə, dyʉ̀ no tèbe fè ando wù kòŋ. Alì, wù na dwin, wu naʼsə̀ akwoŋ à wu, wìʼ ə labsə wù ə lyɨ̀ dyʉ̀ nə̀ wù akəshi, ko andiʼ la wu kòŋ.”

Joyn 3:11

Ma gaʼa a wù no nəmwèʼè la, yès ə gàʼ nyʉ̀ kɨ, mu yès yen li, ali ko ghə̀ŋ byɨmə ə gàʼà ə yesə,

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Joyn 6:26

Yesò ə bwensə gàʼ a vəwenə la, “Ma gaʼa a ghə̀ŋ to no nəmwèʼè la, ghə̀ŋ ə kəŋ mò to byìʼàndo mà tə ku fozhɨvə, ghə̀ŋ zhɨ kwiʼ, a ko diʼ byìʼàndo ghə̀ŋ tə yen nyʉ̀ ə kaynə və vyi a ma tə nè.

Joyn 6:32

Yesò ə gàʼ a vəwenə la, “Ma gaʼa a ghə̀ŋ tò no nəmwèʼè la, a ko nku Mosìs əku fozhɨvə vyi a və lù kaŋ a ghə̀ŋ. A boŋsə ku Tìʼ ghom ə ku nkàyntə̀ ə fozhɨvə vyi a və lù fa kàŋ.

Joyn 6:47

Ma gàʼà a ghə̀ŋ to no nəmwèʼè la, à byɨmə no ndò mu ghə̀ lu kiʼi bwòŋ yi a ghə̀ ko lu mè.

Joyn 6:70

Yesò ə gàʼ a vəwenə la, “A ghə̀ŋ kɨli la, a tə tsuʼ to no mò tsuʼ ghə̀ŋ venə njʉ̀sə̀ bò, ali wìʼ ə mùʼ diʼ a ghə̀ŋ a ntìntìn, a diʼ Deblə̀.”