Ŋwàʼlə̀ Mak 13:7 - The New Testament in the Babanki language

⁷ Ghə̀ŋ sətsèn zhʉ̀ la və temə ghoŋ kəghaf bè zhʉ̀ la tətsentə boʼsə vì, kə ghə̀ŋ à fàyn byìʼàndo nyʉ̀ a venə diʼi lyɨ̀ kəshi mibu kənsèsə̀ kə mbi kə sə vì.

Ŋwàʼlə̀ Mak 13:7 Iomraidhean Croise

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Matìyò 2:3

A ndiʼ ando Helòd nzhʉ kənyʉ̀ a kènkə, kə sə̀ ku ngəʼ à wen be ku ngəʼ à viʼi Jelusalèm no vətsèm.

Ŋwàʼlə̀ Mak 13:6

Viʼi lu mvì no vəghoʼo à mò a zhiʼ gàʼà la, ‘A dìʼ tò no mò lə̀!’ Və lu lobtə nghoʼo viʼi a ji aghèn.

Ŋwàʼlə̀ Mak 13:8

Təloʼ tə lu nsoynə tətsentə, təfòn tə soynə tətsentə, pfensə mʉ̀ʼkə̀, jɨ̀ŋ be ku no a shì tsèm. Nyʉ̀ avenə lu nlyɨ̀ kəshi alə̀ à bu diʼ tò kənzìtə̀ kə ngəʼ ghoʼo.

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Shwèʼ 17:3

Ghə̀ nshə̀ʼtə̀ li laynsə̀ nyʉ̀ vyi a və diʼì a Ŋwàʼlə̀ Nyìngòŋ, gàʼà la, wìʼ yì a Nyìngòŋ ntsuʼ li ghʉ lì diʼi ne yenə ngəʼ ə pfʉ, və be nè ghə̀ lu fà pfʉ. Ghə̀ bè gàʼ la, “Yesò ghèn a ma gàʼà à ghə̀ŋ byìʼì wen lə̀ dìʼ wìʼ ayì.”