Ŋwàʼlə̀ Mak 13:27 - The New Testament in the Babanki language

²⁷ Ghə̀ lu tɨm ntsɨ̀ŋsə ngə̀ŋ Nyìngòŋ a təshyə tə kàŋ nə̀ təshyə tə mbi tèn no tətsèm la sə jèʼè tsèntə̀ viʼi vi a Nyìngòŋ tsuʼ li əbwòŋsə̀.”

Ŋwàʼlə̀ Mak 13:27 Iomraidhean Croise

Matìyò 12:42

A lu ndiʼ a kətsi kə nsoʼ Nyìngòŋ, fòn ə wùwì a ghə̀ nsoʼ li shə təloʼ tèn, lu tɨmə ə ghàm viʼi kəlyɨŋ kə luwèn byìʼàndo ghə̀ nlu fà wen a loʼ ə̀ jèʼ kəghaf kə mbi əvì zhʉtə ziʼi tof fòyn Sòlomùyn, alì wìʼ dìʼ a shə̀ luwèn a ghə̀ chò fòyn Sòlomùyn, kò ghə̀ŋ lù zhʉtə ziʼi wen.”

Matìyò 13:41

Wàyn Wìʼ lu tɨm ntsɨ̀ŋsə wen ə sə fʉ vì ə tsèntə̀ shìsə̀ viʼi vyi a və nè la viʼi ne mbyɨ bènə̀ viʼi vì a və nè mbyɨ fà wen Soʼ fòyn,

Matìyò 13:49

Kə lu ndiʼ tò a lì a kənsèsə̀ kə mbi. Ntsɨ̀ŋsə ngə̀ŋ Nyìngòŋ sə lu vì ə tetə̀ shìsə̀ viʼi və byɨvə fa ntìntìn viʼi kənyʉ̀ kə tɨməkə,

Matìyò 24:22

Kə diʼ tò la Nyìngòŋ mfaftə̀ li mətsi mə ngəʼ a mèn a bwen alə̀ mu wìʼ ko zi ghə̀ lə̀ bwòŋ. Ghə̀ mfàftə mətsi a mì tò byìʼì viʼi wen vi a və ndiʼ mu ghə̀ tsuʼ li ə̀ ghʉ.”

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 24:31

Və lu toŋə soŋ no nəmwèʼè-mwèʼè, ghə̀ mu tɨmə ntsɨŋsə wen a təshə tə mbi ghèn tə kàʼ, vəwenə pfʉtə viʼi vi a Nyìngòŋ tsuʼ li ə bwòŋsə̀ no vətsèm.

Ŋwàʼlə̀ Mak 13:20

Bobo sə diʼ mu ghə̀ fàbtə̀ li mətsi mə̀ ngəʼ Amèyn a bwen a lì mu wìʼ ko lu bwòŋ. Ghə̀ fàbtə̀ mətsi a mì tò byìʼì viʼi wen a ghə̀ tsuʼ li ə bwòŋsə̀.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Mak 13:28

“Ghə̀ŋ ziʼi kənyʉ̀ fa fəkòʼ fə kəbvèm. Ghə̀ŋ nə̀ nyenə no a zhʉ̀ kò a fə sə zhʉ̀ vì ghə̀ŋ ə kɨ̀ la byɨ̀ŋ sə chʉ̀.

Ŋwàʼlə̀ Luk 16:22

Ghə̀ lù pfʉ, ntsɨ̀ŋsə ngə̀ŋ Nyìngòŋ sə lyɨ̀ wen ə dyʉ̀ ghʉ a mbyɨ̀ Ablaham. Wù ghoʼo ayì bè lu pfʉ, və bvɨ̀mə̀ wen.

Ŋwàʼlə̀ Luk 18:7

A lè a zì a bòŋsə faŋ Nyìngòŋ ke zhʉ̀tə di viʼi wen a və di a wen nə̀nchwì nə̀ nəntʉʼʉ a? Ghə̀ lè zì ghə̀ mu bʉʼsə kətʉ kə wen tò bʉʼsə à vəwenə a?

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Lumans 8:33

A zizi a be ghàm no ndò ghàm viʼi vi a Nyìngòŋ ə tsuʼ li a? A kwisə to no Nyìngòŋ, kwisə viʼi a viʼi kənyʉ̀ kətɨməkə.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

2 Tèsàlonyà 2:1

Yès ə kəŋ ə gàʼ a ghə̀ŋ kumə to əvi ə Bobo vəghəŋ Yesò Klistò, be kumə ando vəghəŋ və vəwenə lu ə tsèntə diʼ amuʼ. Yès ə sensə ghə̀ŋ a vəlemə la,

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.