Ŋwàʼlə̀ Mak 13:22 - The New Testament in the Babanki language

²² Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Ŋwàʼlə̀ Mak 13:22 Iomraidhean Croise

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 7:15

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.

Ŋwàʼlə̀ Mak 13:21

A lu ndiʼ a mətsi ayì, və ngàʼà à ghə̀ŋ la, “Ghə̀ŋ yen a, Klistò ghèn a shèn! Ko la, ‘Ghə̀ yì a fàʼà!’ Kə ghə̀ŋ à byɨmə kənyʉ̀ akì a və gàʼà lì.

Ŋwàʼlə̀ Mak 13:23

Ghə̀ŋ ntùʼmə̀! Ma shəʼtə̀ li nyʉ̀ avenə no tsèm à ghə̀ŋ mibu və lù sə nchò.

Ŋwàʼlə̀ Mak 13:6

Viʼi lu mvì no vəghoʼo à mò a zhiʼ gàʼà la, ‘A dìʼ tò no mò lə̀!’ Və lu lobtə nghoʼo viʼi a ji aghèn.

Joyn 4:48

Yesò ə gàʼ a wen la, “wìʼ fa ghə̀ŋ zizi ko ghə̀ lu byɨmə no fa mphen, a bwen la ghə̀ yen nchwi nyʉ̀ ə kaynəvə a mà nè.”

2 Timotì 2:19

Alì kə to ə nə̀ʼsə kəchɨ kə ngə̀ŋ ki a Nyìngòŋ ə dìʼ mu ghə̀ we li a diʼ Klistò. Və nyoʼ li la, “Ghə̀ kɨ viʼi a və diʼ viʼi wen,” bè nyòʼ la, “No mə ndò yi a ghə̀ gàʼà la ghə̀ dzɨ̀mtə̀ Bobo ə diʼ ə ghʉsə ənyʉ̀ ə byɨvə vyi a ghə̀ nè.”

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

1 Joyn 2:26

Mà nyòʼò kènkə à ghə̀ŋ bìʼì viʼi vyi a və lu lobtə ghə̀ŋ.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”