Ŋwàʼlə̀ Mak 12:28 - The New Testament in the Babanki language

²⁸ Ndìʼsə̀ soʼ tsen mboʼsə̀ tsu ə̀ zhʉ̀ ando vəwenə nsoʼtə̀ nyʉ̀ à vəwenə a ntìntìn kɨ la Yesò ku li bwènsə̀ gàʼ jùŋə ghə̀ mù vì bèm à Yesò la, “A dìʼ soʼ koʼ a tì təsoʼ tə Mosìs a ghə̀ to chò təsoʼ no tətsèm a?”

Ŋwàʼlə̀ Mak 12:28 Iomraidhean Croise

Matìyò 19:18

Wìʼ a yì bèm à Yesò la, “Wù gàʼà təsoʼ tə kò.?” Yesò gàʼ la “Mà gàʼà tì a tə gàʼà la, kə wìʼ zhwi; kə wìʼ tsi nə̀ wì wìʼ ko nə̀ lɨm wìʼ, kə wìʼ tsoŋ; kə wìʼ zhò ndzɨ̀ŋ byìʼì wutsen.

Matìyò 23:23

Ngəʼ ghoʼo diʼ à ghə̀ŋ ndìʼsə̀sə təsoʼ bènə̀ viʼi Falàsi. Ghə̀ŋ viʼi kəmbɨ̀lə̀ kə ashɨ, ghə̀ŋ lyɨ̀ məfotə̀ mə lèmtəmə̀ a və we a tì fozhɨvə ghə̀ŋ gə̀tə̀ shi wum, ghə̀ŋ kù kəmùʼ à Nyìngòŋ ando soʼo Mosìs ndiʼ alì chasə nyʉ̀ tovə vi a və diʼ a soʼ a diʼ nə̀, ənè nyʉ̀ tɨməvə, nkusə nshinsə à viʼi be mbyɨmə̀ tò à Nyìngòŋ. Ghə̀ŋ kɨ la ghə̀ŋ diʼ nè nyʉ̀ venə no tsèm kènla ghə̀ŋ chasə tsenəvə.

Matìyò 5:19

A sətsèn a kwàʼ no ndò kwàʼa soʼ fa ntìntìn təsòʼ a tèn, tè bè tyetə ghə̀, ə bè ziʼi viʼi la və be kwaʼà tò alì, ghə̀ lu ndiʼ wu tyetə a kəshi kə fòyn Nyìngòŋ. A ghʉ no məndo ghʉ soʼ ayi, be ziʼi viʼi vətsen və la və nghʉ tò alì, ghə̀ lə ndiʼ wu ghoʼo a kəshi kə fòyn Nyìngòŋ.

Ŋwàʼlə̀ Mak 9:14

Andìʼ ando vəwenə mbwènə̀ vì tsèntə̀ wenə̀ ndzɨ̀mtə̀sə bàm Yesò sətsensə shì, vəwenə yen mu nòyn viʼi no ghoʼo tɨmə li nkaʼ vəwenə. Ndìʼsə̀sə təsoʼ sətsensə ndìʼ a tì nòyn ayì soʼtə̀ nyʉ̀ wenə̀ ndzɨ̀mtə̀sə bàm Yesò a shì.

Ŋwàʼlə̀ Luk 11:42

“Ngəʼ ghoʼo diʼ a ghə̀ŋ, viʼi Falàsi, byìʼàndo ghə̀ŋ lyɨ̀ fo təsɨm, ghə̀ŋ gə̀tə̀ shi wum, ə ku kəshi kə mùʼ a Nyìngòŋ, ali kò ghə̀ŋ lə nè nyʉ̀ a tɨmə və a viʼi vətsen və, a Nyìngòŋ kòŋə̀. Ghə̀ŋ yi ndiʼ nwè nyʉ̀ a venə, kò ghə̀ŋ lə chasə tsen və.

Ŋwàʼlə̀ Luk 20:39

Yesò nè gàʼa mwètə̀, ndìʼsə̀ sə təsoʼ sətsensə gàʼ a wen la,“Ndìʼsə̀ wù gaʼà li a nkàyn.”