Ŋwàʼlə̀ Mak 12:24 - The New Testament in the Babanki language

²⁴ Yesò gàʼ à vəwenə la, “Ghə̀ŋ ko kwòʼtə̀ a ji tɨmə byìʼàndo ghə̀ŋ ko kɨ̀ kənyʉ̀ a ŋwàʼlə̀ Nyìngòŋ gàʼà, kò ghə̀ŋ lu nkɨ kənyʉ̀ a Nyìngòŋ zì ghə̀ ne.

Ŋwàʼlə̀ Mak 12:24 Iomraidhean Croise

Matìyò 22:29

Yesò mù gàʼ à vəwenə la, “Ghə̀ŋ ə shwe li kənyʉ̀ byìʼàndo ghə̀ŋ ko kɨ̀ kənyʉ̀ kì a ŋwàʼlə̀ Nyìngòŋ gàʼà ko kənyʉ̀ kì a Nyìngòŋ zì ghə̀ ne.

Ŋwàʼlə̀ Mak 10:27

Yesò ki vəwenə tò fəchìʼ mù gàʼ à vəwenə la, “kənyʉ̀ a kènkə to ghoʼo tò viʼi alì kò kə lə nto chò Nyìngòŋ byìʼàndo nyʉ̀ tsèm bwaʼmə̀ à Nyìngòŋ.”

Ŋwàʼlə̀ Mak 12:23

A le lu ndiʼ a kətsi kì a və lù fa pfʉ, wùwì ayì ndiʼ wì ndò? Luwèn a vəwenə vətsèm nlam li wen a?”

Ŋwàʼlə̀ Mak 12:25

A lu ndiʼ a tʉʼ a və lù fa pfʉ, və ko lu nlamə byìʼàndo viʼi lu ndiʼ ando ntsɨ̀ŋsə Nyìngòŋ sə diʼ a kàŋ.

Ŋwàʼlə̀ Luk 1:37

Kə lè diʼi la kənyʉ̀ kò kə lə̀ chò Nyìngòŋ.”

Joyn 20:9

Vəwenə ko ntɨmə bo ə shɨtə kɨ la kəshi kə Ŋwàʼlə̀ kì a kə gaʼa la Yesò diʼ ə lù fa pfʉ ə gàʼa la gho lo.

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Efisyàns 1:19

Ma be jɨ̀mə̀ a ghə̀ŋ la ghə̀ŋ yen ə kɨ kədyòʼ kə kaynə kə kì a Nyìngòŋ ə kiʼi, a diʼ kəwenkə a kə gyàmtə̀ vəghəŋ ə viʼi və byɨməvə. A diʼ to kə kədyòʼ kə ghoʼkə,

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.