Ŋwàʼlə̀ Mak 12:17 - The New Testament in the Babanki language

¹⁷ Yesò mù gàʼ à vəwenə la, “Kə ndiʼ a lì, ghə̀ŋ nku fo fòn tò à fòn, ku fo Nyìngòŋ tò à Nyìngòŋ.” Gaʼa wen ghenə nè təchʉ̀ tə vəwenə tə zɨm.

Ŋwàʼlə̀ Mak 12:17 Iomraidhean Croise

Matìyò 22:21

Vəwenə gàʼ la, “A dìʼ kəʼə Kaysa nə̀ zhiʼi wen tsu.” Yesò mù gàʼ à vəwenə la,“Kə ndiʼ a lì ghə̀ŋ kù fo Kaysa a Kaysa, bè kù fo Nyìngòŋ à Nyìngòŋ.”

Matìyò 22:22

Vəwenə nè zhʉ̀ ando ghə̀ bwènsə̀ a lì mù sə diʼ nə̀ kanə ə̀ lù fà wen a mbyɨ̀.

Matìyò 22:33

Nòyn yi nè zhʉ̀ ziʼi aghenə sə̀ diʼ nə̀ kanə.

Matìyò 22:46

No wìʼ nko mwòm ə bwènsə̀ kənyʉ̀ akì. Əzìtə̀ fa kətsi ayì wìʼ nko bè mwòmsə̀ əbèm kənyʉ̀ à wen.

Matìyò 8:10

Yesò zhʉ kənyʉ̀ kèn ə sə diʼ nə̀ kaynə ə gàʼ à viʼi vyì a və jèʼè fa wen bàm lì la, “Ma gàʼ à ghə̀ŋ nəmwèʼè la, mà ko tɨmə yen wìʼ, a ghə̀ kiʼi nkì byɨmə ghənə, a loʼo Islel.

Ŋwàʼlə̀ Mak 12:16

Vəwenə vì nə̀ ko tsenghə dìʼ a wen, ghə̀ bèm à vəwenə la,“A dìʼ kəndemndem kə ndo wenə̀ zhiʼi wen tsu lə̀?” Vəwenə gàʼ à wen la, “Adìʼ kəʼə fòn ghoʼo fa Lum bènə̀ zhiʼ wen.”

Ŋwàʼlə̀ Mak 12:30

Wù diʼ kòŋ Bobo Nyìngòŋ wù nə̀ tyɨm wu no tsèm, nə̀ kəzhwì kə̀ no kətsèm, nə̀ kwòʼtə̀ wu no tsèm bènə̀ kədyòʼ kə̀ no kətsèm.’

Ŋwàʼlə̀ Luk 20:25

Yesò mù gàʼ la, “Kə ndiʼ alì, ghə̀ŋ nku fo fòyn tò à fòyn bè ku fo Nyìngòŋ tò à Nyìngòŋ.”

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 13:7

Wìʼ ə diʼ ə lòʼ kəfo no tèbe a ndo fa ntìntìn ə viʼi a venə, a ghə̀ diʼ lòʼ. A diʼ kensè kə wòŋ, ghə̀ lòʼ, a ndiʼ no tèbe ghə̀ kətʉ wen, ghə̀ lòʼ, a ndiʼ tèbe gumlə, ghə̀ ə shɨtə gumlə vəwenə, a ndiʼ əkuʼsə ə ku a vəwenə, ghə̀ ə ku.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.