Ŋwàʼlə̀ Mak 12:15 - The New Testament in the Babanki language

¹⁵ Yesò yèn ə̀ kɨ̀ la vəwenə yi mbɨ̀lə̀ bɨ̀lə̀ əbèm kənyʉ̀ a kèn mù bèm à vəwenə la, “Ghə̀ŋ zhʉtə̀ chʉ̀ ghomə byìʼì ghò? Ghə̀ŋ lyɨ ko kəkas vì dìʼ à mò mà yen à.”

Ŋwàʼlə̀ Mak 12:15 Iomraidhean Croise

Matìyò 20:2

Ghə̀ kəŋ a lì yen, mù tisə wenə̀ vəwenə la ghə̀ ne lòʼ vəwenə tò nə̀ ko yi a və lu nlòʼò wù shwèʼ tsu a kətsi mù tɨ̀m vəwenə la vəwenə fʉ shwèʼ.”

Matìyò 22:18

Yesò kɨ mənàŋ mì a vəwenə nkwiʼi mù gàʼ à vəwenə la, “Ghə̀ŋ viʼi kəmbɨ̀lə̀ venə! ghə̀ŋ zhʉtə̀ chʉ̀ ghomə byìʼì ghò?

Ŋwàʼlə̀ Mak 10:2

Və Falàsi vətsenvə vì əzhʉtə chʉ wen mù bèm à wen la, “Soʼo lè byɨmə la wìʼ dzɨ̀mə̀ wì wen a?”

Ŋwàʼlə̀ Mak 12:14

Vəwenə vì gàʼ à Yesò la, “Ndìʼsə̀, yès kɨ li la wù lu ngàʼà tò nəmwèʼè kò wu lu mfànə̀ la viʼi kwòʼtə̀ la ghò lo byìʼàndo àdìʼ à wù viʼi vətsèm diʼ tò ndə̀ŋndəŋ. Wù ziʼì tò kənyʉ̀ kə nəmwèʼè byìʼì Nyìngòŋ. Shə̀ʼtə à yès la àdìʼ à wù a kwòʼtə̀, soʼo byɨmə la və moʼ kənsè à fòn ghoʼo a Lum mu ghə̀ ko byɨmə lo? Vəghəŋ ə̀ mòʼò mu kə vəghəŋ à mòʼò lo?”

Ŋwàʼlə̀ Mak 12:16

Vəwenə vì nə̀ ko tsenghə dìʼ a wen, ghə̀ bèm à vəwenə la,“A dìʼ kəndemndem kə ndo wenə̀ zhiʼi wen tsu lə̀?” Vəwenə gàʼ à wen la, “Adìʼ kəʼə fòn ghoʼo fa Lum bènə̀ zhiʼ wen.”

Ŋwàʼlə̀ Luk 20:23

No a zhʉ kò, Yesò kɨ tofə vəwenə mù gàʼ la,

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Joyn 8:6

Vəwenə ə mbèmə ali, mwòmsə la Yesò gaʼa ə shwè, vəwenə kiʼi kənyʉ̀ ə ghamə wen fa tsu. Alì, Yesò ə laŋtə a nse ə sə nyòʼtə fo ə wen a kəbyìʼ nə̀ nyì kəvu.

Shwèʼ 5:9

Bità mù bèm à wen la, “Byìʼì ghò a wenə̀ lɨmə wù tə̀ ghʉ̀ la ghə̀ŋ a mwòmsə̀ kəzhwì kə Bobo a?” Ghə̀ bè gàʼ la, “Viʼi vi a və byèʼè lɨmə wù ə̀ mfʉ̀ mbvɨ̀mə̀ bu ti tò a chʉ̀ ngə̀ŋ luwèn diʼi be a fʉ̀ ə̀ bvɨ̀mə̀ wù tò a lì.”

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.