Ŋwàʼlə̀ Mak 12:10 - The New Testament in the Babanki language

¹⁰ Ghə̀ŋ be ko təmə̀ dzàŋ kənyʉ̀ kènkə a ŋwàʼlə̀ Nyìngòŋ gàʼà la, ‘Ngùʼ yì a viʼi kəmbwom tə màʼà lì kaʼsə li sə diʼ ngùʼ bʉ ngə̀ŋ.

Ŋwàʼlə̀ Mak 12:10 Iomraidhean Croise

Matìyò 12:3

Yesò bèm à vəwenə la, “Ghə̀ŋ ko təmə̀ dzàŋ əzhʉ kənyʉ̀ kì a fòyn Devìt ə ne ando jɨ̀ŋ nzafə wen wenə viʼi wenə?

Matìyò 19:4

Yesò bwènsə̀ gàʼ à vəwenə la, “Ghə̀ŋ be ko dzàŋ ə zhʉ kənyʉ̀ a ŋwàʼlə̀ Nyìngòŋ gàʼà? Ghə̀ gàʼà la, andìʼ a kənzìtə̀ kə mbi Nyìngòŋ shɨ̀tə̀ wùlɨm bènə̀ wùwì,

Matìyò 21:16

Vəwenə mù bèm à Yesò la, “Wu lə̀ zhʉ kənyʉ̀ kèn a vunə venə gàʼà lə a?” Yesò byɨmə ə̀ bwènsə̀ gàʼ à vəwenə la və nyoʼ li a ŋwàʼlə̀ Nyìngòŋ la, “Nyìngòŋ shɨ̀tə̀ li təchʉ̀ tə vunə vəbwaʼvə a və bu nyoŋə la və nghoʼsə wen. Ghə̀ŋ be ko təmə dzàŋ kəshi akì.”

Matìyò 21:42

Yesò bwènsə̀ gàʼ à vəwenə la, Ŋwàʼlə̀ Nyìngòŋ ə gàʼ à la, Ngùʼ yì a viʼi shwèʼ tə màʼà lì kaʼsə li sə diʼ ngùʼ bʉ ngə̀ŋ. A dìʼ shwèʼè Bobo alə̀, à diʼ kənyʉ̀ kə mesəkə à vəghəŋ?

Matìyò 22:31

Anə̀ kənyʉ̀ kùmə̀ məlù fa pfʉ a viʼi və pfʉkəvə lu nlù, kə diʼ la ghə̀ŋ ko təmə̀ dzàŋ əzhʉ kənyʉ̀ kì a Nyìngòŋ gàʼà mu? Nyìngòŋ nlù gàʼ la,

Ŋwàʼlə̀ Mak 12:26

Kùmə̀ məlù fa pfʉ, ghə̀ŋ be ko ntɨmə̀ dzàŋ kəshi kə ŋwàʼlə̀ Nyìngòŋ kì a Mosìs nlù nyòʼ byìʼì zhiʼ a ghə̀ mbolə̀ a toʼ? Nyìngòŋ ngàʼa à Mosìs a kəshi ayì la, ‘Nyìngòŋ Ablaham diʼ Nyìngòŋ Izìk be diʼ Nyìngòŋ Jàkob.’

Ŋwàʼlə̀ Mak 12:9

Yesò mù bèm à vəwenə la, “kə lè yì chò a lì, tì sɨ̀m aghèn a nè ale?” Kə yi ndiʼ a lì, “Ghə̀ à vì zhwì viʼi a vyi ə̀ bwènsə̀ lyɨ̀ sɨ̀m wen kù à viʼi kədyàŋ.

Ŋwàʼlə̀ Mak 13:14

Wìʼ a ghə̀ ndzàŋə̀ kènkə diʼì ntùʼù zhʉtə̀. Ghə̀ŋ nə̀ sətsèn yèn kəfo kə fansə kə, kə ti a kəshi à kə ko yì əndiʼ ə ti tsu, byɨsə kəshi kì, no tè ndò a Judiyà ə nyɨŋ kùʼ a kwi pfensə.

Ŋwàʼlə̀ Mak 2:25

Yesò bwènsə̀ bèm à vəwenə la, “Ghə̀ŋ bè ko təmə̀ dzàŋ əzhʉ kənyʉ̀ kì a Devìt nlù nè a tʉʼ yì a ghə̀ nkəŋ kəfo əzhɨ ando jɨ̀ŋ nzafə wen wenə̀ viʼi wen lo?

Ŋwàʼlə̀ Luk 6:3

Yesò bwènsə̀ bèm à vəwenə la, “Ghə̀ŋ ko dzàŋ əzhʉ kənyʉ̀ kyì a Devìt ne ando jɨ̀ŋ nzafə wen wenə viʼi wen lo?

Lumans 9:33

to ndə̀ŋndəŋ ando və nyoʼo li la: “Ghə̀ŋ yen na! Ma wʉ̀ ngùʼ a ntə̀ʼ Zayòn, viʼi diʼ ə kòyntə tsu. A diʼi təwu, diʼ ə nè la viʼi ə nfəŋkə ali mu à byɨmə no ndo a wen, ko ghə̀ lu ə diʼsəkətʉ.”