Ŋwàʼlə̀ Mak 11:23 - The New Testament in the Babanki language

²³ mu mà gàʼà à ghə̀ŋ nəmwèʼè la, à gàʼ tè ndò fà ghə̀ŋ a ntìntìn à pfèn ghoʼo ghèn la tuʼmə ə̀ dyʉ̀ tsòʼ à mù mə nghoʼomə̀. Sə ngàʼà a lì kò ghə̀ lu nkwòʼtə̀ kwoʼtə alì kiʼ byɨmə la kənyʉ̀ akì a ghə̀ gàʼà lì a lyɨ kəshi mu və a ne ə kə lyɨ kəshi ando ghə̀ gaʼà.

Ŋwàʼlə̀ Mak 11:23 Iomraidhean Croise

Matìyò 14:13

Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀.

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Matìyò 21:21

Yesò bwènsə̀ gàʼ à vəwenə la, “Mà gàʼà à ghə̀ŋ nəmwèʼè la, ghə̀ŋ sətsèn nkiʼ byɨmə, kye momə̀ mwòmsə mu ghə̀ŋ zì ghə̀ŋ ne kənyʉ̀ kèn a ma ə ne à fəkòʼ fènfə lə̀, bè gàʼ no tè à pfèn ghoʼo ghèn la, Tsuʼmə dyʉ̀ tsòʼ à mù mə nghoʼomə̀, ghə̀ be à nè tò a lì.

Ŋwàʼlə̀ Luk 17:6

Bobo bwènsə̀ gaʼa vəwenə la, “A tuʼù kiʼi la ghə̀ŋ kiʼi byɨmə a ghə̀ diʼi to nə̀ əshɨ ngwaʼa mostàd, mu ghə̀ŋ zì ghə̀ŋ gaʼà fəkoʼ fe sykamayn fen fə la tsuʼmə kwen zhɨtə wenə wen a chì a mù fə be nè to lì.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.