Ŋwàʼlə̀ Mak 11:18 - The New Testament in the Babanki language

¹⁸ Tʉtʉ vəpfèm və ngə̀ŋ Nyìngòŋ wenə̀ ndìʼsə̀sə təsoʼ nè zhʉ̀ kənyʉ̀ akì mù sə kəŋə ji əzhwi Yesò. Vəwenə mfànə̀ wen byìʼàndo nòyn yi no tsèm ndìʼ nə̀ kanə byìʼì nyʉ̀ a ghə̀ diʼsə.

Ŋwàʼlə̀ Mak 11:18 Iomraidhean Croise

Matìyò 21:15

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ sə̀ fwisə̀ tin ando vəwenə nyèn nyʉ̀ kanəvə vi a ghə̀ nè bè zhʉ̀ ando vunə nzɨmə gàʼà tsu la, “Ghoʼsə diʼ à wàyn fòyn Devìt.”

Matìyò 7:28

A sə diʼ to ando Yesò ziʼì mwetə ənyʉ̀ na venə, ə chʉ zɨm ənòyn ə viʼi vyi,

Ŋwàʼlə̀ Mak 1:22

Ziʼi wen nè viʼi sə diʼ nə̀ kaynə byìʼàndo ghə̀ ko ndìʼsə̀ a nə̀ ndìʼsə̀sə təsoʼ. Ghə̀ ndìʼsə̀ a nə̀ wìʼ a ghə̀ kìʼ àdyoʼ.

Ŋwàʼlə̀ Mak 11:32

Vəghəŋ sətsèn gàʼ la, ‘Kə nlu fà viʼi!’” (vəwenə mfànə̀ viʼi byìʼàndo viʼi vətsèm nkɨ la Joyn ndìʼ nshə̀ʼtə̀ ghoʼo.)

Ŋwàʼlə̀ Mak 12:12

Viʼi nè zhʉ̀ kənyʉ̀ a Yesò ngàʼà sə̀ mwòmsə̀ əghaʼ wen byìʼàndo vəwenə nkɨ la ghə̀ mò ngàyn ayì tò byìʼì vəwenə alì sə̀ fànə̀ nòyn viʼi yi a ghə̀ ndiʼì tsu mù ghʉ̀sə dyʉ̀ nə̀ wen ə̀ lù.

Ŋwàʼlə̀ Mak 3:6

Və Falàsi vi nè fʉ̀ no a zhʉ kò ə̀ ghàʼa ntsèntə̀ wenə̀ viʼi Helòd mù sə shɨ̀tə̀ jì əzhwi Yesò.

Ŋwàʼlə̀ Mak 6:20

No nkàntə̀ Helòd ə̀ mfànə̀ Joyn byìʼe ghə̀ nkɨ la Joyn dìʼ wù kənyʉ̀ kə tɨməkə be diʼ wù Nyìngòŋ. Helòd ko mbyɨmə la və ne kənyʉ̀ kə byɨkə kətsenkə à Joyn. Ghə̀ nkòŋ ə nzhʉtə̀ nyʉ̀ vyi a Joyn ngàʼà alì nyʉ̀ a vyi zhuŋsə wen no nànto.

Ŋwàʼlə̀ Luk 19:47

Yesò zìtə̀ mù sə zhʉsə ziʼi a ngə̀ŋ Nyìngòŋ tò mətsi tsèm. Tʉtʉ vəpfèm və ngə̀ŋ Nyìngòŋ nə̀ ndìʼsə̀ sə təsoʼ bènə̀ vəchəʼ və loʼ mù sə kəŋ jì əzhwi wen,

Ŋwàʼlə̀ Luk 2:47

No məndo a ghə̀ ndiʼ nə̀ kaynə byìʼì tof wen bènə̀ ji a ghə̀ bwènsə̀ tsu.

Ŋwàʼlə̀ Luk 20:19

Ndìʼsə̀ sə təsoʼ bènə̀ tʉtʉ vəpfèm və ngə̀ŋ Nyìngòŋ kɨ la ghə̀ yi mò ngàyn yì byìʼì vəwenə mù sə kəŋ ji əghaʼ wen tò a zhʉ ayì ali vəwenə ə fàyn nə̀ ashɨ viʼi.

Ŋwàʼlə̀ Luk 4:22

No məndo yen la ghə̀ gàʼli a nkàyn sə̀ kayntə̀ la gaʼa gàʼà fwomə ghə̀ ghenə̀ fʉ̀ tò fa wen a chʉ̀ lo? Lu fa tsu ə bwènə̀ sə bèmə̀ la “Gàʼa kò ghèn diʼ wàyn Josèf lo?”

Joyn 7:1

A sə ndiʼ fa abàm nyʉ̀ venə, Yesò mu sə jèʼe kaʼkə to fa Galìlì, ko ghə̀ be kòŋ ə dyʉ̀ a Jùdiyà byìʼàndo viʼi Jus ndiʼ tsu, kəŋə ə zhwi wen.

Joyn 7:19

A Mosìs ə ku li Əsoʼ a ghə̀ŋ ali no wìʼ ə mùʼ fa ghə̀ŋ a ntìntìn ə ko ghʉ tebè Əsoʼ a yi. Ghə̀ŋ kəŋ ə zhwi mo a gho?”

Joyn 7:46

Vəsugyèʼ a vyi ə gàʼ la, “Wìʼ ko ntɨmə ə gaʼa a ji ghèn a wìʼ na ghèn ə gaʼa fa tsu!”

Shwèʼ 24:25

Bol nè sə gàʼ ə nshə̀ʼtə̀ ando viʼi diʼ ndiʼ kənyʉ̀ kə tɨməkə be ghaʼa təwentə vəwenə, bè shə̀ʼtə̀ ando kətsi kə lu vì a Nyìngòŋ lu soʼ viʼi. Ando ghə̀ ngaʼa kənyʉ̀ akènkə, fàyn ghaʼ Felik, ghə̀ gàʼ la Bol lu a yì ne be dzàŋə wen a zhʉ a yì kiʼi zhʉ.