Ŋwàʼlə̀ Mak 11:14 - The New Testament in the Babanki language

¹⁴ Ghə̀ mù ghʉ kòn a wèn fəkòʼ ayì gàʼà la,“Wìʼ ko lu be pfiʼ ashɨ mu ghə̀ kwòŋ fà wù a kətʉ!” Ndzɨ̀mtə̀sə bàm wen sə zhʉ kənyʉ̀ akì a ghə̀ ngaʼà lì.

Ŋwàʼlə̀ Mak 11:14 Iomraidhean Croise

Matìyò 21:19

Ghə̀ yen fəkòʼ fə figs a wenə ji, kwen dyʉ̀ à yì a ti alì kò ghə̀ lù yèn kəfo à yì a kətʉ əchò tò təfʉ ti. Ghə̀ mù gàʼ à fəkòʼ a fìfə la, “Wù ko lu be kumə ashɨ!” No a zhʉ kò fəkòʼ a fìfə zɨm.

Matìyò 21:33

Yesò bè gàʼ à viʼi vi la vəwenə bè zhʉ̀tə ngàyn tsen. “Tì sɨ̀m tsen nlù bòʼ sɨm lamsə̀ lwi wen, kwìʼi mbàyn kaʼsə wen sɨm ayi, tyùŋə nkwòŋ yì a və ne nwìʼì lamsə̀ ayì tsu mu shɨ̀tə məlyʉ̀ʼ bè bwòm kəmbaŋ kə ngə̀ŋ ntsɨ̀ŋ a kəntìntìn kə sɨm ayì mù kù sɨm ayi la viʼi nshwèʼè gə̀tə̀ ku yì nə̀ fo vi a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə.

Matìyò 21:44

[No ndò a ghə̀ kòntə a wèn ngùʼ bʉ ngə̀ŋ aghèn, ghə̀ à fə̀ŋ tìnkə a ntemə a ntemə, mu ngùʼ aghèn bè sətsèn fə̀ŋ a kətʉ no ndò ghə̀ à bvusə̀ wen a kəbyìʼ”]

Matìyò 3:10

Ghə̀ŋ kɨ la ndzam ti a tì nkòʼ luwen, mu a faŋ tə fəkòʼ fə ko ke kumə ashɨ jùŋ ghə̀ mu və a bvaʼ ə mòʼ a zhìʼ.

Matìyò 7:19

A fàŋ no fəkòʼ fə ko ke kumə ashɨ ə jùŋ ghə̀, və a bvàʼ ə moʼ a zhìʼ.

Ŋwàʼlə̀ Mak 11:13

Ghə̀ sə ki dyʉ̀sə̀ ə̀ yèn fəkòʼ fə figs fə ti no kəghaf mu fə zhʉ̀ li no a nkàyn. Ghə̀ dyʉ̀ à yì a ti əyen la yì a yen ashɨ tsu lo, alì bòŋsə̀ yen tò təfʉ byìʼàndo a nko diʼ zhʉ a fə lu nkumə̀.

Ŋwàʼlə̀ Mak 11:15

Vəwenə nè dyʉ̀ zaʼa a Jelusalèm, Yesò dyʉ̀ kwèn a ngə̀ŋ Nyìngòŋ ghoʼo ə̀ dzɨ̀m shìsə̀ viʼi vyi a və mbaʼlə̀ bè zenə tsu. Ghə̀ tenlə chiʼ vi a viʼi nkwitə ko à yì a tʉ, bə̀ŋsə kɨ vi a viʼi ŋwʉʼ tsu baʼlə̀ làto.

Joyn 15:6

A tyen no ndò la ghə̀ ko a faŋə a mo wen, və a təmə wen ə maʼa, to nə̀ ətam yi a və nə̀ chwaynə mòʼ, ghə̀ zɨm. Və nè bwensə boŋtə tətam a tentə ə nyuʼ azhiʼ.

2 Bità 2:20

Viʼi sətsen kiʼi Bobo, ə Mbwòŋsə̀ vəghəŋ Yesò Klistò ə nyɨŋ fʉ̀ fa nyʉ̀ ə mbi ə be lu bwensə kwen tsu, kə tisə vəwenə, a viʼi a vyi a byifə chò ando və ə ndiʼ fa ambì.

Kəmwetə 22:11

Wìʼ yi a ghə̀ tsi ntsìnə̀ kəməŋ nə̀ faŋ ə nə̀ tsi to ntsìnə̀ kəməŋ, a wìʼ yi a ghə̀ kiʼi kwoʼtə ə əbɨghə faŋ ə nə̀ kiʼ to kiʼi, a wìʼ yi a ghə̀ diʼi atì-ati faŋ ə nə̀ nè to nyʉ̀ vyi a və diʼi atì-ati, a wìʼ yi a ghə̀ diʼi nə̀ laynə ə faŋ ə ndiʼ to nə̀ laynə ə.”