Ŋwàʼlə̀ Mak 11:1 - The New Testament in the Babanki language

¹ Yesò wenə̀ ndzɨ̀mtə̀sə bàm wen nè jèʼ dyʉ̀ boʼsə a Jelusalèm, a mbyɨ ntə̀ʼsə sətsensə a və ndzàŋə̀ la Bephag nə̀ Betanì, sə diʼ a mbyɨ̀ pfèn Olìf. Yesò tɨm ndzɨ̀mtə̀sə bàm wen la səbò,

Ŋwàʼlə̀ Mak 11:1 Iomraidhean Croise

Matìyò 21:17

Yesò gàʼ a lì lù fa tsu fʉ̀ fa Jelusalèm dyʉ̀ tsì a ntə̀ʼ Betanì.

Matìyò 24:3

Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

Matìyò 26:30

Vəwenə zhɨ mwètə̀ zhɨmə ndzàŋ mù fʉ̀ kùʼ a kwi pfèn Olìf.

Ŋwàʼlə̀ Mak 11:2

gàʼà à vəwenə la, “Ghə̀ŋ kwen ə̀ dyʉ̀ a tì ntə̀ʼ ghèn à ghə̀ŋ a shɨ lə̀. Ghə̀ŋ ne sə nkwenə dyʉ̀ ə yen wàyn Jàkas a və chuŋə̀ tsu kèn la wìʼ ntɨmə̀ kùʼ à yì a kətʉ. Ghə̀ŋ zas ə̀ vì nə̀ wen.

Ŋwàʼlə̀ Mak 13:3

Yesò nè kuʼ ə̀ ŋwʉʼʉ a pfèn Olìf a ghə̀ ndìʼ a ndzèn tsen yì ki vìsə̀ nə̀ ngə̀ŋ Nyìngòŋ ghoʼo, Bità nə̀ Jems nə̀ Joyn bènə̀ Andɨ̀lò nyoʼtə gàʼ à wen la,

Ŋwàʼlə̀ Mak 14:13

Yesò tɨm ndzɨ̀mtə̀sə bàm wen səbò gàʼà à vəwenə la, “Ghə̀ŋ kwen dyʉ̀ a tì ntə̀ʼ. Ghə̀ŋ nè sə nkwenə dyʉ̀ ə bùmtə wenə̀ wìʼ mu ghə̀ bwèʼè ətyom à mù. Ghə̀ŋ nè yèn wen, ghə̀ŋ mboʼsə̀ wen.

Ŋwàʼlə̀ Mak 6:7

Ghə̀ dzàŋ ndzɨ̀mtə̀sə bàm wen njʉ̀sə̀bò ə̀ tɨ̀m vəwenə tò vəbò vəbò bè kù àdyoʼ à vəwenə a kətʉ ə̀ zhwì byɨvə.

Joyn 8:1

Andiʼ to ando viʼi mpfwo li, Yesò ə lù kuʼ a pfèn və olìf

Shwèʼ 1:12

Viʼi ntɨm Yesò vi lù fa pfen Olìf ə̀ bwènə̀ shiʼi a Jelusalèm a kəghaf ki ndiʼ tò kətemə kə mal.