Ŋwàʼlə̀ Mak 10:48 - The New Testament in the Babanki language

⁴⁸ Viʼi no vəghoʼo sə chìʼì wen gàʼà la ghə̀ chɨmə la kùʼ, ghə̀ bòŋsə̀ sə zɨmə̀ tò zɨ̀mə gàʼà la, “Wàyn Devìt kusə nshinsə à mò.”

Ŋwàʼlə̀ Mak 10:48 Iomraidhean Croise

Matìyò 19:13

Viʼi vətsenvə lyɨ̀ vunə və tyetəvə vì nə̀ vəwenə la Yesò ghʉ avu wen à vəwenə a tʉ ə̀ jɨ̀m à vəwenə, alì ndzɨ̀mtə̀sə bàm wen sə sə̀ kəŋkə̀ viʼi a vyi la kə vəwenə be zhuŋsə wen.

Matìyò 20:31

Viʼi vi sə̀ chìʼì vəwenə gàʼà la kə vəwenə be à zɨ̀mə, alì vəwenə bòŋsə̀ zɨ̀mə ghòʼtə la, “Bobo Wàyn fòyn Devìt, kusə nshinsə à yès.”

Matìyò 9:27

Yesò ə nlu li ə bè sə dyʉ̀, viʼi və shɨfkəvə vətsenəvə mu sə dyʉ̀ tò a wenə a bàm, və bò, dzàŋ gàʼa tò la, “Kusə shɨnsə a yès a Wàyn Fòyn Devìt!”

Ŋwàʼlə̀ Mak 10:13

Viʼi sə lyɨ̀ vunə və tyətəvə vì nə̀ vəwenə à Yesò a kətsi kətsenkə la ghə̀ kumsə vəwenə ə̀ bwàʼsə vəwenə, ndzɨ̀mtə̀sə bàm wen sə yen a lì ə̀ sə̀ kənkə viʼi a vyi.

Ŋwàʼlə̀ Mak 5:35

Ando Yesò mbu gàʼà, viʼi ntɨm vətsenvə lù fa ngə̀ŋ kətʉ kə ngə̀ŋ ntsèntə̀ kì vì ə̀ gàʼ à wen la, “Wàyn wù yì pfʉ li, kə be a ku ngəʼ à ndìʼsə̀.”

Ŋwàʼlə̀ Luk 18:39

Viʼi vyi a və njèʼè dyʉ̀ fa mbì kənkə wen gàʼa la kə ghə̀ ba gàʼ. Ghə̀ bòŋsə̀ zɨmə dyʉ̀ tò nə̀ mbì, la, “Wàyn Fòyn Devìt, kusə shɨnsə a mò!”

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.