Ŋwàʼlə̀ Mak 10:34 - The New Testament in the Babanki language

³⁴ vəwenə chəʼ wen, chʉ̀ mənte à wen a wèn, ghòm wen nə̀ ngwàynsə bè ghàʼa wen ə̀ zhwi. A sə ndiʼ a mətsì ntaʼ ghə̀ lù fa pfʉ.”

Ŋwàʼlə̀ Mak 10:34 Iomraidhean Croise

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 26:67

Ando vəwenə ngàʼà a lì, vəwenə mù sə chʉlə̀ mənte à wen a kə̀ʼ be ghòmə̀ wen vətsenvə pfènlə̀ wen,

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Ŋwàʼlə̀ Mak 14:63

Kətʉ kə tʉtʉ vəpfèm və ngə̀ŋ Nyìngòŋ ghaʼ ndisə wen ə̀ bàs tò fà wen a ngə̀ŋ bèmə̀ la, “Vəghəŋ bè kəŋə əzhʉ ghò fà ndò bu chòsə̀ soʼ a?”

Ŋwàʼlə̀ Mak 14:65

Viʼi vətsenvə mù zìtə̀ sə̀ chʉlə̀ mənte a wèn Yesò, chiʼtə̀ kəʼə wen nə̀ basə ndisə, ghòmə̀ wen, gàʼà la,“shə̀ʼtə̀ lì la à ghòm ndò wù lo.” Ntsɨ̀ŋsə kətʉ kə tʉtʉ vəpfèm və ngə̀ŋ Nyìngòŋ kì bè shi wen ə̀ ghòm.

Ŋwàʼlə̀ Mak 9:31

byìʼàndo ghə̀ nziʼì ndzɨ̀mtə̀sə bàm wen gàʼà à vəwenə la,“Və ne ku Wàyn Wìʼ à viʼi və zhwi wen. A sə ndiʼ a mətsi ntaʼ, ghə̀ lù fa pfʉ.”

Ŋwàʼlə̀ Luk 23:11

Elod wenə̀ ve sugyèʼ və wen sə̀ chəʼə wen be gaʼà nyʉ̀ zafə və a wen. Vəwenə mù moʼ dàlə a moʼo tò təfòyn a wen a wèn, bwènsə̀ təmə wen a Bilate.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 2:10

ə gàʼ a wen la, “Viʼi nə̀ diʼ la wù boŋsə ku məlyʉ̀ʼ mì a mə bòŋ la və nyʉ̀ ambì, viʼi nyʉ̀ sə dyuʼlə, və mu vi nə̀ myimə a mə ko tuʼ ə bòŋ, wù jeʼ ale ə ghʉ̀ məlyʉ̀ʼ mə jùŋə mèn ə sə vi nə̀ məwenə luwen a?”

1 Kolìntyàns 15:4

və bvɨmə wen, a sədiʼ a mətsi ə ntàʼ, ghə̀ lu fa pfʉ to ando və nyoʼo li a Ŋwàʼlə̀ Nyìngòŋ