Ŋwàʼlə̀ Mak 10:33 - The New Testament in the Babanki language

³³ Ghə̀ mù gàʼ la, “Ghə̀ŋ nkɨ la ando vəghəŋ ə kuʼu dyʉ̀ a Jelusalèm luwèn lə̀, və diʼ a dyʉ̀ ku Wàyn Wìʼ à tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ. Vəwenə a chòsə̀ soʼ la ghə̀ dìʼì pfʉ mu ku wen à viʼi tɨm

Ŋwàʼlə̀ Mak 10:33 Iomraidhean Croise

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 26:66

Nkàntə̀ ghə̀ŋ kwòʼtə̀ la ghò kùmə̀ wen a? Vəwenə gàʼ tò vətsèm la, Ghə̀ diʼi pfʉ.”

Matìyò 27:2

kwìʼi wen ə lyɨ̀ wen dyʉ̀ kù à Bilate a fòyn Lum nghʉ̀ la ghə̀ nsoʼo shə Judiyà.

Ŋwàʼlə̀ Mak 14:64

Ghə̀ŋ zhʉ li ando ghə̀ gàʼà nyʉ̀ byɨvə kùmə̀ Nyìngòŋ. Ghə̀ŋ kòŋ la və ne ale nə̀ wen a? Vəwenə gàʼ tò vətsèm la, “Ghə̀ diʼi pfʉ.”

Ŋwàʼlə̀ Mak 15:1

Tʉʼ lan, tʉtʉ vəpfèm və ngə̀ŋ Nyìngòŋ, vəchəʼ, ndìʼsə̀sə təsoʼ bènə̀ viʼi soʼo nsoʼsə vi no vətsèm ghàʼa ə̀ ntsèntə̀ ə̀ bàʼtə nyʉ̀ vəwenə mù kwìʼ Yesò ə̀ dyʉ̀ nə̀ wen à Bilate.

Ŋwàʼlə̀ Mak 8:31

Yesò gàʼ a lì mù zìtə̀ sə dìʼsə ndzɨ̀mtə̀sə bàm wen gàʼà la, “Wàyn wìʼ ne yenə ngəʼ byɨ, ə̀ vəchəʼ nə̀ tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ ne mo wen ə zhwi wen, à nè sə ndiʼ a mətsi ntaʼ, ghə̀ bwensə lù fa pfʉ.”

Ŋwàʼlə̀ Mak 9:12

Ghə̀ gàʼ à vəwenə la, “Adìʼ nəmwèʼè la Elijà ne vì a mbì ndi shɨ̀tə̀ no nyʉ̀ tsèm alì byìʼì ghò a və nyòʼò a ŋwàʼlə̀ Nyìngòŋ la Wàyn Wìʼ ne yen ngəʼ a nyʉ̀ no ghoʼo və be nyàblə̀ nə̀ wen a?

Ŋwàʼlə̀ Mak 9:31

byìʼàndo ghə̀ nziʼì ndzɨ̀mtə̀sə bàm wen gàʼà à vəwenə la,“Və ne ku Wàyn Wìʼ à viʼi və zhwi wen. A sə ndiʼ a mətsi ntaʼ, ghə̀ lù fa pfʉ.”

Ŋwàʼlə̀ Luk 23:21

ali vəwenə bè zɨmə la “Və bayntə wen, və bayntə wen a kəntò.”

Ŋwàʼlə̀ Luk 9:22

ə bè gàʼ la, “Wàyn Wìʼ diʼ yen ngəʼ no a nyʉ̀ ghoʼo və, vəchəʼ wenə tʉtʉ vəpfèm və ngə̀ŋ Nyìngòŋ nə̀ ndìʼsə̀sə təsoʼ mo wen, ə və zhwi wen, à sə ndiʼ a məntsi ntaʼ, və bwòŋsə wen fa pfʉ.”

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Joyn 18:32

Vəwenə ə gàʼ alə ə lwinsə kənyʉ̀ ki a Yesò ngàʼa kumə nki pfʉ yì a ghə̀ ndiʼ lù pfʉ̀.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Shwèʼ 13:27

Viʼi vi a və ntsi a Jelusalèm nə̀ viʼi a və nsoʼo vəwenə nko kɨ la Yesò ndìʼ Mbwòŋsə̀: Vəwenə mbe zhʉ kò vəwenə lu nkɨ nyʉ̀ vyi a nshə̀ʼtə̀ sə ghoʼkəsə nlù nyòʼ ə̀ ghʉ, və sə dzàŋə̀ no mətsi mə nzhʉtə mə̀ vəwenə ntsèm. Alì vəwenə nè la nyʉ̀ vyi a nshə̀ʼtə̀sə nlù nyòʼ byìʼì Yesò kwʉʼ no tsèm a ji la vəwenə nzhwi li wen.

Shwèʼ 20:22

Mà dyʉ̀ a Jelusalèm byìʼàndo Kəzhwì kə ŋwòʼəkə nkə̀ŋ la mà dyʉ̀ tsu ko ndiʼ la, mà kɨ la a ndyʉ̀ ə fʉ̀ gho nə̀ mò tsu lo,

Jems 5:6

Ghə̀ŋ ə ne li la və soʼ ə̀ byɨ̀sə viʼi ntosə, ə̀ byɨ̀sə vəwenə kèn la vəwenə soyn li ghə̀ŋ.